Branch President-in Kumpuan hawng

Chanmari West, April 1 :     Kum 2011 Branch Executive Committee-in a lo rawt tawh angin Central YMA General Conference chuan Kum 2012 hi a vawi sarihna atan Ram leh Hnam humhalh kumah a puang a, tichuan Chanmari West Branch YMA pawhin Ni 29.3.2012 zan khan YMA Zawlbukah Pu C. Lalzarliana’n thiam taka a kaihruaina hnuaiah Pu T. Ngurkhuma Branch President leh CEC CYMA ni bawk chuan a hawng ta a ni. President Pu T. Ngurkhuma hian Kumpuan a hawn rual hian paper present-in “Ram leh Hnam humhalh” chungchang thiam leh nung takin a sawi a, sawiho in a zui nghal a ni.
    Pu RL Thanhnuna Branch Secretary chuan intuaitharna pualin “YMA nihphung leh Hruaitute mawhphurhna” tih chu paper present bawkin a sawi a, sawihona in hun hman leh a ni. Heng thusawi tha tak tak kar lakah hian Solo thiam tak tak ngaihthlak a ni bawk a, intur tui tak sem a ni a, Pu R. Lalmalsawma’n tanna hun a hman chu  Pu C. Lalmuanpuia, Local Council Secretary chuan tawngtaiin a khar ve thung a ni.
     He hunah hian member kal an tha lo hle a, Vanapa Section chuan kal tha ber lawmman Pu H. Lalramhluna Vice Chairman LC kut atangin an dawng.
    Gemini Enterprise neitu Pu Lalnunthara Sailo chuan banner mawi a siam sak a, solo tura sawm te tha leh mawi takin an zai a, Vanapa section ten hneh takin ushering hna an thawk a, heng mite zawng zawng chungah hian lawmthu an sawi a ni.

___________________________

Branch OB te April – June thla chhunga Section-a an Incharge na turte.
          Chawngbawla Section -  Pu R. Lalhmachhuana Vice President
          Khuangchera Section  -  Pu C. Lalzarliana Treasurer
          Neuva Section             -  Pu RL. Thanhnuna Secretary
          Taitesena Section        -  Pu K. Darthantluanga Fin.Secretary
          Vanapa Section           -  Tv. Zairemmawia Asst.Secretary

 

Branch Committee an meeting

Chanmari West, March 25 :     Ni 20.3.2012 zanah khan Branch YMA Vice President Pu R.Lalhmachhuanate inah Branch Committee chu a tum lina atan an thu khawm a, Kumpuan hawn leh Intuai thar hun hman an rel. He meeting President Pu T. Ngurkhuma  kaihhruai hian Thisen petute leh pek tum pe thei ta lote chungah lawmthu an sawi a, hetiang hi thisen pek dan kimchang a ni. Vanapa -  30, Chawngbawla - 25, Taitesena - 24, Khuangchera -24 leh Neuva -11, Mipa- 83 leh Hmeichhia -31, avaiin - 114 a ni. Chanmari West Branch MHIP ten man chawi ngai lova Kuang tuamna tur an thui sak theih dawn avangin an lawm hle bawk.
     Tun dinhmun a Chhiatni Fund  luh tawh dan a tha thawkhat a, 

Taitesena  - Rs.54,600 (88%),    

Khuangchera - Rs.54,700 (101%), 

Chawngbawla - Rs.52,875 (95%), 

Neuva - Rs 29,100 (79%), 

Vanapa - Rs.45,550 (75%) a vaiin Rs.2,36,825 (88%) a ni. 
YMA AW man luh dan pawh hetiang hi a ni, Chawngbawla - Rs.13,520, Vanapa – Rs.11,840 a ni a,  Section dang atanga la thehluh  loh a ni, April thla chhunga khawn fel vek turin Section te hi beisei a ni a, hetianga Section ten thahnemngai taka an thawk hi Branch Committee chuan lawmthu a sawi a ni.

    YMA Kumpuan ‘Ram leh hnam humhalh’ hawnna leh intuaitharna chu March ni 29 (Ningani) zan dar 7- ah YMA Zawlbuk-ah  hman tum a ni a, hetiang hian Programme duan a  ni.
Chairman    :  Pu C.Lalzarliana. Treasurer
Hunserh      :   R. Lalmalsawma. Executive Member
Kumpuan hawn : Pu T. Ngurkhuma.President
Intuaitharna :       Pu RL.Thanhnuna. Secretary
Solo    :          Tv.C.Lalnunfela ‘T’ Nl.Lalbiakzuali‘V’ Nl.Jenny VL.Dinpuii ‘N’
    Seat rem buaipui turin Chawngbawl leh Neuva Section ruat an ni a, Sound lam chu Property Committee kutah dah a ni thung. Light hi Thlanmual Sub-Committee ten an bitum anga, Pu K.Darthantluanga’n  Banner a lo ngaihtuah ang a, Vanapa Section ten ushering an thawk ang. Ei in tuihnai tak tak awm tura beisei a ni.
    He hun hi Branch Committee chuan a ngai pawimawh hle a, Hruaitu leh memberte a tam thei ang ber kal turin a beisei tlat a ni.

Zawlbuk sak chhunzawm a ni

Chanmari West, March 11 :     Kan vengin punkhawmna tura kan neih that ber indoor stadium chu function neihna atan chuan hman tak tak a tlak loh avangin, Branch YMA chuan kan hriat angin park thlangah Zawlbuk a sa ta mup mup mai a ni. Kum 2012 atan Zawlbuk Working Committee a din a, anni hmang hian chak taka hmalak mek a ni a, Work superviser atan Pu C. Liansanga ruat a ni. Zawlbuk Working Committee secretary Pu Lalrnliana (Sir Tea) hnen atang thudawn danin: tun thleng hian a sak tirh atang khan Rs 28,63,765.00 hman a ni tawh a, chu chuan kan hmuh ang hian hall tha tak kan sa mek a.Nikuma  pawh khan Branch YMA inthlanna atan kan hman tawh kha.
     Sir Tea sawi zel dan chuan: tunah hian Pawisa fai Rs 1,40,000.00 a la awm a, amaherawhchu hnathawh kal lai mek anih avangin hman reng zel a ni. Kuminah hian hnatlang tum li (4) neih tawh a ni a, section hrang hrang hnatlang kal dan pawh hetiang hi a ni, Neuva Section - 21, Taitesena section - 21, Chawngbawla section - 14, Vanapa section - 25 leh Khuangchera section - 44 te an ni.
     Bialtu MLA, Pu Lalthanzara MLA Fund Rs 75,000.00 hmuh tawh a ni a, hetiang zat bawk hi hmuh leh tura beisei a ni. A chungah pawh hian Branch Committee chuan lawmthu an sawi a ni.
    Hmalakna tur ruahmanah chuan garrage chungah hian motor luh theihna tur siam a, tin, zawlbuk kawmchhak tluan hi 8ft a laih zauh phei a, retainning wall rem a, ban pathum phun a, slab chhun tum a la ni bawk a ni.
   

Kan Branch-in thisen Unit 114 pe

Chanmari West, March 11 : Branch YMA Committee-in ruahmanna a siam  angin March 8 (ningani) khan Govt Middle School-ah Synod Hospital tan thisen pek runpui neih a ni a, thisen unit 114 pek a ni. Branch president Pu T Ngurkhuma chuan hun bul tan nan thusawiin, Branch Adviser Pu Lalrengpuia Sailo chuan tawngtaiin thisen pek hi a hlan a ni.
    Thisen pek runpuiah hian mipa 82 leh hmeichhia 32 in an thisen hlu tak tanpui ngaite tan an pe thei a,  pek tuma inpe 51-te erawh chuan taksa lam harsatna an  neih avangin an tum angin an pe thei ta lo a ni
    Central YMA secretary Pu Vanlalruata chuan Branch hnenah lawmthu sawina thu rawn thawnin, mi mangang leh a mamawhten an hman atana unit 110 chuang thisen kan pe thei chu thil lawmawm leh YMA tihawm tak a nih thu a tarlang a ni.
    Khuangchera section-ten thisen petute tan Bawngsa soup tui tak an buatsaih a, Branch-in a sawmna ngai pawimawhin Chanmari West HMIP chuan tui takin paratha an kang bawk a, an chungah Branch Committee a lawm hle a ni.
     Thisen pekna atana phal taka school hmantirtu Headmaster leh Staff, Govt. Middle School chungah Branch-in lawmthu a sawi bawk.
    Mi dangte tana thisen phal taka pe tute leh pe tura inpe, pe ve thei ta lote bakah, he mi nia thawk chhuakte zawng zawng chungah pawh Branch YMA chuan lawmthu a sawi tak zet a ni.  

   

March 8-ah Branch thisen pek runpui

  Chanmari West, March 4 : Branch YMA-in kum tira ruahmanna a siam  angin March 8 (ningani) hian Govt Middle School-ah thisen pek runpui neih a ni dawn. Section-ten thisen pe thei tur an zawh kual tawhna atangin member 300 vel an inpe a, a tam thei ang berin thisen pe thei ila tih chu Branch duh dan a ni.
    Branch Committee chuan YMA thupui tanpui ngaite tanpuina kawnga hmalakna pawimawh takah a ngai a, member-ten ngai pawimawh theuh turin a ngen bakah member inpe tawh leh inpe lawk lote tan pawh inthlahrung hauh lova he thisen pek runpuiah hian tel vek turin a sawm nghal bawk.
    Ruahmanna hmasaah Civil Hospital, Aizawla pek tum a nih laiin remchan lohna a awm a, Synod Hospital, Durtlang tan pek a ni dawn a, damdawi in lama thawkte hian thisen petute ei leh in tur an tum dawn niin thu dawn a ni.
    Branch chuan tlawmngaia thisen petute tan ei leh in tuihnai tak a buatsaih dawn bawk a, thisen pete ei turin bawng sa soup leh paratha buatsaih a ni ang a, soup siam tur hian Khuangchera section beisei niin, paratha kang turin kan veng MHIP-te sawm tum a ni bawk.
    2010 khan Branch-in thisen pek runpuiah member 206-in thisen pein, a hun lai hian YMA category-a thisen pe hnem ber kan ni. Mahse, a hnu lawkah Ramthar Vengin khumin Mizoram pumah pahnihna kan ni a, Voluntary Blood Donation Award kan dawng nghe nghe. Tun tumah hian ngaih pawimawh berah record siam awm lo mah se, a theih chuan YMA category-a pe hnem ber record siam erawh Branch duhthusam a ni.