Central YMA football khel mek

Chanmari West, May 27 :  Central YMA buatsaih branch hrang hrang football-a inelna Vodafone Cup khelh mek a ni a, a thiam 16 zingah Chanmari West inhlangkaiin, nimin tlai khan Ramhlun North nen quarterfinal luh inchuhin AR Lammualah kan inkhel a, dinhmun hriat hman a ni ta lo.
    Kan branch team hian ni nga chhungin vawi li an khel a, thawhlehni khan tournament bultan nan Tuikual North lakah 2-1 in kan chak a, H Lalnunzira’n vawi hnih a thun.
    Nilainiah khel leh nghalin, Kawnpui Vengthar lakah 6-0 in kan chak leh. Chawlhlawk hnuah kan vengin vawi ruk an tilut a, H Lalnunzira leh Eric  Zomuanpuiaten tum hnih ve ve thunin, R Lalrinngheta leh Lalremruataten an khung bawk.
    Ni khat awlin zirtawpniah Kawlkulh nen kan insu leh a, H Lalnunzira’n minute 34-ah penalty a pet luh hmangin kan chak a, pre-quarterfinal khel thei zingah kan tel.
    Zirtawp zanah round of 16-a intum tur bakah final thlenga khelh chhoh dan tur pawh siam fel thar leh a ni.
    1985 atanga tan YMA football tournament vawi 17-na niin branch 134 an tel a, kumin hi kan tel  tawha kan thlen san ber pawl niin, tha thawhtute zawng zawng chungah branch a lawm hle. He tournament-ah hian Armed Veng leh Electric-in vawi thum ve ve trop

CYMA -in inrem duh

        Central YMA chuan Ni 24.5.2012 khan HPC demand area chhunga branch, group, sub-headquarter leh khawpui chhung branch YMA president-te ko khawmin HPC (D) ten an demand area chhunga YMA thiat tur leh an seal thehlut vek tura a thupek a chhuah  chungchang an sawiho a, hetiang thu lo awm ta mai hi thu inhriat sual palh vanga lo thleng anih avangin HPC (D) te hi an thupek hi sut leh turin an ngen a ni.
    Central YMA chuan YMA hi mizo hnahthlak hnam hrang hrangte lungrual taka an telna, hnam tinte inpumkhatna humhimtu leh tlawmngai pawl anih dan hi a la ngai reng a, inremna engtiklai pawhin a duh ber zel a ni a ti.

hy la tawhin, vawi hnih ve ve Chaltlang leh Dinthar an champion tawh bawk a ni.

YMA Day-ah chhungkaw tinin YMA flag zar tur

Chanmari West, May 20 :     Chanmari West Branch YMA executive Committee chu Ni 15.5.2012 zanah khan Pu Zonunsanga Executive memberte inah an thukhawm a, YMA Day-ah chuan Chanmari West chhungkaw tinin YMA Flag zar theuh nise tiin a rel a, heng flag tar turte hi section ten lo ngaihtuah tura tih a ni. Branch YMA president Pu T. Ngurkhuma kaihhruai meeting hian kumin YMA Day chu Section hrang hrangten anmahni pualin function neih tum nise, YMA Day zing karah hian Section tin ten faina hnatlang neih nise a ti bawk.
     YMA  Day-ah hian YMA chu a lo par vul leh theihna turin nasa taka hmalak a, khawi lai hmunah emaw lo thiat mah se, mizote tan pawl tha, chak leh innghahna tlak a nihzia theih ang kawng kawnga tihlan tum a ni a, chuvang chuan branch YMA chuan flag hi chhungkaw tiin zar ngei ngei turin a ngen a ni.
    Inter Branch YMA tournament Central YMA in a buatsaiha kan branch YMA  inbuatsaihna atana hman tura YMA member-te hnena thawh-lawm khawn a hmuh tawh dan chu hetiang hi a ni a, tanpuina hi pek zel theih reng a ni.
CH Section    : Rs 5440/- 101%
K Section    : Rs 4920/- 96%
N Section    : Rs 3200/- 80 %
T Section    : Rs 5900/- 96%
V Section    : Rs 5420/- 93%
TOTAL      : Rs 24,880/-
    He Committee-ah hian kuang tur Plyboard lei fel tawh a nih thu report a ni a, hun remchangah kuang duan hnatlang neih nise, kuang duan sa chu Section tinah sem darh tura tih a ni. Thlanmual hnimte chu hlo kahna hmanga kah tura tih a ni bawk.
    Veng a lo thianghlim zawk theihna turin veng chhung dawrkaite an dawr kawtah bawlhhlawh bawm dah theuh tura beisei an ni.

CYMA Football leh Basketball Tournament atan inbuatsaih ngawrh

Chanmari West, May 13 :     Chanmari West Branch YMA chuan Central YMA-ina Football leh Basketball Tournament a buatsaih turah ngawrh takin inbuatsaihna a kalpui mek a ni. Branch YMA Committee chuan inbuatsaihna atan member tinah Rs 10 aia tlem lo thawh turin ruahmanna a siam a, hei hi section ten bawhzuiin, an khawn a ni.         Football Coach atan veng pawn lam mi rawih tumin hma lak a ni a, mahse ruahman anga thil a kal tluan theih loh avangin harsatna a awm a, Organising Committee lamin ruahmanna thar a siam thuai beisei a ni. Football  hi zing karah High school field-ah practise thin niin, veng tana theihtawp chhuahtu player-te an fakawm viau rualin player thenkhat inthlahdah tak tak an la awm chu a pawi hle. Tun aia thahnemngai leh zual turin player zawng zawngte an inpek thar a ngai a, Branch-in a ngen.
     Ni 11.5.2012 khan Zarkawt recreation Centre-ah Basketball tournment hawngin an khel tan tawh a, team 61 an chhuak. Basketball manager atan Zonunsanga (Patea) leh Coach-ah Henry Lalremruatpuiate an ni a, anni team hi pool ‘D’ ah awmin Ni 18.5.2012 hian Zarkawt Recreation Centre-ah Armed Veng team nen an inkhel dawn a, he hunah hian veng mipui a tam thei ang berin tawiawm ni thei se a tha hle.
    Heng mite hi Chanmari West Branch YMA Basketball teamte an ni.
1. C. Lalfamkima Asst. Coach.
2. Lalremruata Renthlei.
3. Lalremruata
4. Lalhmangaihzuala
5. Steve Lalromuanpuia Sailo
6. Laltluangliana
7. Zothanmawia Khiangte
8. Vanlalnghaka
9. K. Lalhmunsiama
10. Ramengmawia
11. Vanlalpeka
12. VL Fakhlena

Naupang khawngaihthlak Lalduhawmi

    Tunlaia Aizawl khawpuiin a buaipui chu kan veng naupang, khawngaihthlak Sarah Lalduhawmi hi a ni ngei ang.  Lalliantluanga leh Rohlupuiite fanu a ni a, a pa hian a boral san tawh a ni. Zotlangah an awm thin a, an in chungpain kut a thlak avangin a spinal cord a chhia tih hmuhchhuah a ni a, a spinal cord-a thisen tlingin cancer a siam tih hriat a ni leh a, tunah hian a nghawng hnuai lam zawng chu a zeng a ni.
    He naupang khawngaithlak tak hi  Ni 4.4.2012 khan a pain a boral san hnu lawkah, a pi Laibati In Neuva Section, an rawn bel a. Chanmari West Branch YMA chuan Sarah-i hi  Branch hmingin an kan a, Neuva Section YMA pawhin an kan tawh bawk a ni. Veng hrang hrang atangin an tanpuia, New Life Hospital Variety Store, Chanmari, Waiting shed, Chanmari leh Gemini Enterprises kawtah bawm dawh a ni bawk.

CYMA Football leh Basketball Tournament atan inbuatsaih ngawrh

Chanmari West, May 13 :     Chanmari West Branch YMA chuan Central YMA-ina Football leh Basketball Tournament a buatsaih turah ngawrh takin inbuatsaihna a kalpui mek a ni. Branch YMA Committee chuan inbuatsaihna atan member tinah Rs 10 aia tlem lo thawh turin ruahmanna a siam a, hei hi section ten bawhzuiin, an khawn a ni.         Football Coach atan veng pawn lam mi rawih tumin hma lak a ni a, mahse ruahman anga thil a kal tluan theih loh avangin harsatna a awm a, Organising Committee lamin ruahmanna thar a siam thuai beisei a ni. Football  hi zing karah High school field-ah practise thin niin, veng tana theihtawp chhuahtu player-te an fakawm viau rualin player thenkhat inthlahdah tak tak an la awm chu a pawi hle. Tun aia thahnemngai leh zual turin player zawng zawngte an inpek thar a ngai a, Branch-in a ngen.
     Ni 11.5.2012 khan Zarkawt recreation Centre-ah Basketball tournment hawngin an khel tan tawh a, team 61 an chhuak. Basketball manager atan Zonunsanga (Patea) leh Coach-ah Henry Lalremruatpuiate an ni a, anni team hi pool ‘D’ ah awmin Ni 18.5.2012 hian Zarkawt Recreation Centre-ah Armed Veng team nen an inkhel dawn a, he hunah hian veng mipui a tam thei ang berin tawiawm ni thei se a tha hle.
    Heng mite hi Chanmari West Branch YMA Basketball teamte an ni.
1. C. Lalfamkima Asst. Coach.
2. Lalremruata Renthlei.
3. Lalremruata
4. Lalhmangaihzuala
5. Steve Lalromuanpuia Sailo
6. Laltluangliana
7. Zothanmawia Khiangte
8. Vanlalnghaka
9. K. Lalhmunsiama
10. Ramengmawia
11. Vanlalpeka
12. VL Fakhlena

T Section-ah mihring leh in an tam ber

Chanmari West Dt. 6.April.2012 :     Chanmari West Branch YMA chuan YMA Census 2012 a nei a, section hrang hrang hruaituten he hna hi thawkin, he report atanga a landan chuan Chanmari West huamchhungah hian Taitesena Section an tam ber a, mihring 1465 an awm a, chhungkua 314 an awm bawk.         

Chanmari West pumpuiah hian mihring 5946 an awm a, mipa 3054 niin hmeichhia hi 2892 an awm ve thung a ni. Taitesena Section dawtah hian Khuangchera Section awm ve lehin mi 1273 an cheng a, mipa 468 niin hmeichhia 625 an awm a ni. Vanapa Section chu tam pathumna niin mihring 1169  an khawsa a, mipa 595 leh hmeichhia 574 an awm a ni. Chawngbawla Section-in dawt veleh in mi 1111an awm a, hmeichhia 573 leh mipa 538 an awm a ni. Neuva Section chu cheng an tlem berna niin mi 928 chauh an awm a, mipa 553 leh hmeichhia 375 an awm a ni. Taitesena Section leh Chawngbawla Sectionah hian mipa aiin hmeichhe cheng an tam zawk a ni.
    Chanmari West-ah hian chhungkua 1265 an awm a, heng zingah hian mahni in luah chu 505 an ni a, mi in luah 760 awmin, mahni in luah aiin mi  in luah hi an tam zawk a ni.

CADS - in tanpuina pawisa Rs 1,30,000.00 dawng tawh

Chanmari West, April 29 : Central YMA in a din ruihhlo dotu pawl Central Anti Drug Squad chuan Ni 23.7.2011atanga Ni 12.4.2012 thleng khan pawisa a tanpuina Rs 1,30,000.00 a dawng tawh a ni. Heng tanpuina hrang hrangte hi Kohhran, pawl hrang hrang leh mimal thahnemngaite atangin a ni. Hetiang tanpuina tam tham tak an dawn lai hian hna pawh nasa takin an thawk a, heng ruihhlo 1. Parvon/Proxyvon - 91489 Capsules 2. No 4 (Heroin) - 11 Hawng, 318 Cans, 149 Caps 3. Nitrosun/Alprozelam - 1357 Tablet 4. Ganja - 5 Kgs, 50 Grams 5. Cough Syrup - 3922 Bottles.  te hi an man tawh a, an thil man hlut zawng hi Rs. 1,17,46,760.00 a ni. Mi man a vuak ringawt hi an tih a ni lova Home/Centre-a 29 dah tawhin mi 621Counselling pek an ni tawh bawk.
    Heng ruihhlo Parvon/Proxyvon - 16055 Capsules te, No 4 (Heroin) - 1 Hawng, 231 Cans, 137 Caps te,  Nitrosun/Alprozelam - 1352 Tablets leh Ganja - 250 Grams an mante hi Ni 13.4.2012 zingah khan halral a ni. An thil man hlut zawng hi 5. Halral hlutna - Rs. 17,49,985.00 lai a ni tawh a ni.         Report huamchhungah hian Excise Department-ah Parvon/Proxyvon - 45434 Capsules te, No 4 (Heroin) - 10 Hawng, 86.5 Cans, 12 Caps te, Nitrosun/Alprozelam- 5 Tablets te, Ganja - 2.800 Kgs te, Aquacet - 3081000 Tablets te, Encold - 331200 Tablets te,  Loract ‘D’- 540900 Tablets te, Actiman - 5833000 Tablets leh  Coolex - 452330 Tablets te an hlan tawh bawk a, an thil hlan hlut zawng hi Rs. 99,96,775.00 a ni. Hetiang a hma nasa tak la a, hna thawktu hi C.YMA chuan tanpuia, tawngtaipui zel turin mizo mipuite a ngen a ni.