Inter Branch YMA Football leh Basketball Tournament-ah tel dawn

Chanmari West, April 22 : Kan vengin chhiat kan tawh avanga Branch YMA Executive meeting neih tum chu thulh anih hnuah Ni 20.4.2012 zan khan Nl. Lalramengi te inah mitthi-in kal banah an thu a, Central YMA in Inter Branch YMA Football leh Basketball mipa tana a buatsaihah tel a tum. He meeting President Pu T. Ngurkhuma kaihhruaiah hian heng team te enkawl tur hian Organising Committee an din Chairman-ah Pu RL. Thanhnuna Branch Secretary a ni a, Secretary atan Branch Assistant Secretary Tv. Zairemmawia ruat a ni bawk. Member atan Branch OB te bakah Pu Lalrinliana, Pu C. Zonunsanga Pu RK. Rozidinga leh Pu Zonunsanga Branch Executive memberte chu ruat anni. Branch YMA chuan sum a neih loh avangin member zawng zawngten Rs 10 theuh thawh tura beisei an ni a, heng hi Section te khawn tura tih a ni.

Information mike hman dan siam that a ni a, hei hi veng chhung mite leh pawl hrang hrangte pawhin zawm tha se an duh hle. Kuang atan playboard hman tawh tura tih chu hun remchang hmasa-ah hnatlan tum a ni bawk.

YMA chhang te puala hun hman tur chu rem tih sak a ni a, may ni 5-ah hian Primary School kawtah LPS Naupang pualte nen hun hman ho tum a ni. C.YMA in hnamdang dan lova sumdawng dap chhuak a, endik tur a tih chu nimin zing khan Branch Executive leh Section OB ten dap chhuakin an endik nghal a ni.

Conference hun atan 23-25 Oct 2012

Chanmari West, April 15 :    Ni 11st April, 2012 khan Central YMA hall-ah Central YMA President Pu T Sangkunga kaihhruaina hnuaiah Central Co-Ordination Committee meeting Vawi 68-na chu an thu a, member 177 an kal. He meeting-ah hian Chanmari West Branch YMA aiawhin Vice President Pu R. Lalhmachhuana a tel a ni. He meeting hian Conference in a lo rel tawh bawhzuiin khawpui hrang hrang ten Common Cementry neih chungchang chu Sub-Hqrs. leh Group Hqrs. ten mahni thlanmual tur theuh lo zawn a, a ramri leh zauh zawng te Central YMA ah thlen leh nise, a tul anga Central YMA in lo bawh zui tura tih a ni.
    YMA General Conference hun atan October 23th -25th, 2012 ruat a ni a, Conference hi Kawrtethawveng in an thleng dawn a ni. Hnamdang hlawhfa rate meeting hmasa lamin an lo rel tawh chu, CEC ten lo enzuiin a tul angin Mizoram Sawrkar hnenah thlen tura tih a ni. Gas, Buhfai leh Petrol tih chingpen awm thin chungchangah Food, Civil Supplies & Consumer Affairs Department-in thawhho puia an sawmna an lo pawm tawh pawh chu mahni awmna Branch theuhah a ven hna thawk theuh turin an inchah thar bawk a ni.

Council hnuaiah commitee pahnih din

Chanmari West, April 8 :     Local Council president Pu F Zosanga chairman-na hnuaia kalpui turin committee pahnih din a ni a, tun kar thawhtannia Chanmari West Local Council meeting vawi thumna chnuan Integrated Child Development Services (ICDS) hnuaiah Chanmari West Local Council huam chhunga Anganwadi Co-Ordination Committtee tur bakah, Village Level Vigilance Committee tur dinin, hruaitu tur pawh an inruat fel nghal.
ANGANWADI CO-ORDINATION COMMITTEE
Chairman    : Pu F Zosanga
Vice Chairman     : Pu T Ngurkhuma
Secretary    : Pu K Darthantluanga
Asst. Secretary : Pu RL Thanhnuna
Treasurer    : Pu H Lalramhluna
Fin. Secretary    : Pi Biakngheti
Member: 1) Pu H Lalthuama, 2) Pu H Vanlalvena, 3) Pu C Lalmuanpuia, 4) Pu Laliansangpuia,    5) Pi Darthansangi, 6) Pi Zopari, 7) Pi Lalengzami, 8) Pi Vanlalchhuangi, 9) Pu R Thanga, 10) Pu K Lalramzauva, 11) Pi Lalthan-mawii, 12) Pu Nundanga,    13) Pu H Biakchhunga, 14) Pi Vanlalfeli, 15) Tv H Vanlaltlana.
VILLAGE LEVEL VIGILANCE COMMITTEE
Chairman    : Pu F Zosanga
Member Secretary : Tv Zairemmawia
Member : 1) Pu A Biaklawma, 2) Pu H Lalramhluna, 3) Pu C Lalmuanpuia, 4) Pu Vanlalvuana, 5) Pu K Pahlira, 6) Pu Lalthanruma, 7) Pu R Thanga, 8) Pi Lalthanmawii, 9) Pu Lalbiakzama
    Veng chhung huap NGO aiawh, Kohhran aiawh, Political Party aiawh leh Prominent Citizen-te nen khawtlang mamawh Gas leh sanitation chungchanga  hmasawnna tur ngaihtuah ho turin tun thawhtan zan dar 7:00 hian Pasaltha Neuva Inah meeting koh a ni.