BRANCH EXECUTIVE COMMITTEE AN MEETING

Chanmari West, January  29 : Ni 24.1.2012 (Thawhleh) zan khan Chanmari West Branch YMA Executive Committee chu Branch President Pu T. Ngurkhuma inah an meeting a, thu pawimawh hrang hrang an rel a ni. He meeting thlenga sum dinhmun chu Main Account-ah Rs 68,761.00, Zawlbukah Rs. 1,93,886.00 leh Chhiatni Fund-ah Rs.16,850.00 a ni.
    Chanmari West Branch YMA member tur lak leh tur a ni a, YMA Dan Bu Bung III chang 17-20 tlawhchhanin lak tur a ni a, annual member fee-ah Rs 2 leh kumpuanah  Rs 3 khawn tel tur a ni a. February thla chhunga lak fel hman tura tih a ni.
    Kum hmasa lama Section wise performance hmanga inelna thianghlim (Section inchhiarna) kan lo neih thin chu kumin 2012-ah hi chuan neih loh tur a ni.
    Central YMA in khaw kilkhawr tak tak leh harsa tak tak Branch YMA, property pawh nei tha  lo te tana heng bungrua; P.A Set, Typewritter, Cyclostyle, Dekchi, No, Thleng, Guiter, Silpoulin te pe tura ngenna a siam angin, Section ten tanpuina tur an neih ang angte lo in enfel se, pek tur neite chuan Branch Secretary hnenah hriattir nise tih a ni bawk.
    Section sum enkawltute tan Account Traning neih tura tih a ni a, a tul anga hma  lo la turin Branch O.B te ruat an ni.
    Chanmari West Census neih  tha tih ni a. Branch O.B ten form lo siam se, chumi hmang chuan Section ten mahni huamchhungah theuhah February 2012 ralhma-in hma lo la se tih a ni.
    Kumin 2012 chhung atana Chanmari West Branch YMA chhiatni kaihhruaina tur siam a ni a. Chhiatni Fund hi Category A-ah Rs 300, B-ah Rs 200,C-ah Rs 100 a thawh turte then tur a ni a. A list hi Ni 5.2.2012 ral hma-in Branch Secretary Pu RL. Thanhnuna hnenah thehluh tura beisei a ni.
    Chiatni Fund khawnna tur Receipt Branch sum enkawltu ten lo buatsaihin, Section hruaitu ten tlawmngaiin February 2012 ral hma in lo khawn se tih a ni.
    Kumin 2012 chhung atana YMA Aw la turte Section hruaitu ten lo zawn nise, Ni 5.2.2012 ral hma in copy lak theih zat Editor hnenah thehluh tura ngen an ni.
    Member lak hi Ni 29.2.2012 ral hma-in, a list leh pawisa Branch Secretary hnenah thehluh vek nise.
    YMA Zawlbuk kan sak mek hi chhunzawm zel nise, a tul anga hma turin Working Committee hetiang hian din a ni.
Chairman        : Pu K.Darthantluanga
Vice.Chairman : Pu C. Lalzarliana
Secretary         : Pu Lalrinliana (Tea)
Asst.Secretary : Nl Lalramengzami
Committee Memberte:
    1. Pu T.Ngurkhuma          2. Pu R. Lalhmachhuana
    3. Pu R.L.Thanhnuna          4. Tv Zairemmawia
    5. Pu VL Thakima          6. Pu K.Lalthakima
    7. Pu RK Rozidinga          8. Pu Lalchhanhima
    9. Pu Lalchhandama          10. Pu Vanlalsawma
    11.Pu R.Lalthazuala          12. Pu VL Huma
    13. Tv Zothankima

COMMITTEE RUANGAM SIAM

Chanmari West, January 22 : Chanmari West Branch YMA OB meeting chuan Chanmari West Branch YMA ruangam tur a duang a, Section committee member tura section OB thlan thar ten an ruat chu a pawmin, YMA AW agent tur mi pakhat leh YMA chanchinbu Sub-agent tur mi pakhat an rawt pawh a pawm bawk. Sub- Committee pathum a siam a, Branch Executive member tur mi 21 an ruat nghal bawk. Heng mite hi Branch Executive member tur atan a an ruat te chu an ni,

1. Pu Lalthuamluaia

2. Pu Lalramliana(Tetea)

3. Pu K.Lalthakima

4. Pu J.Lalnangliana

5. Pu Lalchhandama

6. Pu Lalthanruma

7. Pu VL Thakima

8. Pu R.Lalmalsawma

9. Pu H.Vanlalvena

10. Pu Lalramhluna Hauhnar

11. Pu Lalrinliana

12. Pu Zonunsanga

13. Pu Thanseia

14. Pu Lalchhanhima

15. Pu C.Lalmuankima

16. Pu RK Rozidinga

17. Pu C.Zonunsanga

18. Pu Lalmalsawma (Sena)

19. Tv Lalsawmzuala

20. Nl Lalramengzami

21. Nl Lalramengi

      Sub-Committee Office Bearer atan heng mite hi an ruat a, anni hian an thawhpui tur mi 15 aia tam lo an ruat leh ang.

PROPERTY

Chairman : Pu C.Lalmuankima

Vice Chairman : Pu Rosangpuia

Secretary : Pu Lalnunsanga

Assistant Secretary : Pu Lalthlamuana

Br O.B i/c : Pu C.Lalzarliana, Treasurer

DOCUMENTATION

Chairman : Pu Lalrinliana

V.Chairman : Pu Lallianzuala

Secretary : Tv Zothankima

A.Secretary : Pu Vanlalhruaia

O.B i/c : Pu R.Lalhmachhuana, Vice.President

THLANMUAL

Chairman : Pu Thanseia
V.Chairman : Pu PC Lalawmawia

Secretary : Tv EVL Hruaitluanga

A.Secretary : Tv Lalhriatzela

O.B i/c : Tv Zairemmawia, Asst.Secretary

     YMA CHHANG din a ni dawn a, incharge turah Branch Committee member atangin Pu Lalramliana (Tetea), Chawngbawla Section leh Nl. Lalramengi, Neuva Section an ruat a, section tina committee member atangin mipa 1 leh hmeichhia 1 incharge tur ruat leh tur a ni.bawk.

     Central YMA chanchinbu Agent-ah Asst. Secretary Tv. Zairemmawia ruat a ni.

     Branch OB te January - March thla atan hetiang hian an incharge-na tur siam a ni,

Chawngbawla Section  : Tv Zairemmawia, Asst.Secretary

Khuangchera Section   : Pu R.L.Thanhnuna,Secretary

Neuva Section  : Pu C.Lalzarliana,Treasurer

Taitesena Section : Pu R.Lalhmachhuana,V.President

Vanapa Section : Pu K.Darthantluanga, Fin.Secy

SECTION HRUAITU 30 THLANGCHHUAK

Chanmari West, January  15 :    Chanmari West Branch YMA OB meeting-in  a lo rel tawh angin ni 12.1.2012 zan khan Section hrang pangah OB paruk theuh thlan chhuah a ni. Branch OB pangaten sectin hrang hrang inthlanpuiin president Pu T. Ngurkhuma’n inthlanna hmun hrang hrang a kan kual ve thung. Inthlan hi tluang taka neih zawh niin, heng an thlan chhuahte hian an thawh pui tur committee member mi 25 theuh an ruat chhuak leh dawn a ni.

Chawngbawla: 
Pu Lalchungnunga (L) inah Branch financial secretary Pu K. Darthantluanga’n  inthlanpuiin a, an tam lai berin member 34 an ni.Hun hlimawm tak an hmangho nghal a ni. 

An thlan chhuahte :
Leader    :     Pu K.Lalthakima
Asst.Leader    :     Pu Rosangpuia
Secretary    :     Tv H.Lalrinmawia
Asst.Secy    :     Pu R.Lalbiakhluna
Tresurer    :     Pu JK Zosangliana
Fin.Secy    :     Pu Lalruatsanga

Khuangchera :  
YMA Runah member 82 pung khawmin, kum kal taa chatuan ram pan ta, hruaitu hlui Pu K Lalengmawia  hriatrengna leh ralna hun hmangin, a chhungten amah hriatreng nan dekchi lian tha tak an pe a, vice president Pu R. Lalhmachhuana’n inthlan a kaihruai. 

Thlan chhuahte chu :
Leader    :    Pu Lalchhanhima
Asst. Leader    :    Pu Lalrinliana
Secretary    :    Pu Zonunsanga
Asst. Secy    :    Tv Israela
Treasurer    :    Pu Lalliansanga
Fin. Secy    :    Pu Lalthlamuana
   
Neuva :  
Secretary Pu RL Thanhnuna kaihhruaiin Pasaltha Neuva Inah an inthlang. Member 71 an kalkhawm a, section chhunga member tlawmngai ber Tv. EVL. Hruaitluanga hnenah ‘Neuva Award’ hlan niin, 2011 commitee meeting kal kim lawmman sem a ni bawk.
    Hruaitu atana thlan chhuahte :
Leader    :     Pu Lalchhandama
Asst.Leader    :     Pu Lalthanruma
Secretary    :     Tv R.Laltlankima
Asst.Secy    :     Tv EVL Hruaitluanga
Treasurer    :     Nl Lalramengi
Fin.Secretary    :     Pu Vanlalhluta

Taitesena:  
Pu A. Biaklawma inah inthlangin, assistant secretary Tv Zairemmawia’n a kaihruai a, member 58 an kal khawm.
 Hruaitu tura thlante :
Leader    :     Pu RK Rozidinga
Asst.Leader    :     Pu C.Lalmuankima
Secretary    :     Pu Lalbiakkima Sailo
Asst.Secy    :     Tv Lalbiaksanga
Treasurer    :     Nl Lalthlamuanpuii
Fin.Secretary    :     Pu R.Lalsangzuala

Vanapa :
Pu H. Lalrawna inah inthlangin member 87 an kal khawm a,  inthlang zinga member kal tam ber an ni. Treasurer Pu C. Lalzarliana’n kaihruaiin section hrang hrang inelna 2011 Branch Sports-a a pumpuia pakhatna an nih bakah section tana inelna hrang hranga titha ber an nih an lawm nghal a, hnatlang kal tha leh committee meeting kal kim hnenah lawmman an hlan bawk.
    Hruaitu atana thlante :
Leader    :     Pu VL Thakima
Asst.Leader    :     Pu H. Vanlalvena
Secretary    :     Tv Hmingthansanga
Asst.Secy    :     Pu H. Lalremtluanga
Treasurer    :     Pu T. Sangkhuma
Fin.Secretary    :     Pu PC Lalawmawia   

BRANCH OB MEETING VAWI 1-NA NEIH  A NI

(Section Inthlan hun atan Ni 12.1.2012 an ruat)

Chanmari West, January  08 : Ni 3.1.2012(Thawhleh) zan khan kum 2012 chhung atana Branch OB thlan thar te Pu K.Darthantluanga In, K-Section-ah a vawi-1 na atan an thukhawm.

Meeting hi Pu T.Ngurkhuma, President CWBYMA kaihhruainain neih a ni a. Kumin 2012 chhunga Section kalphung/chungchang tur, YMA AW enkawltu tur leh kalphung bakah YMA kal chhoh dan tur chungchang rel a ni a. Kum 2012 chhung atana Section hruaitu tur OB thlanna Ni 12.1.2012(Ninga) zan Dar 6:30 hian neih tura ruahman a ni bawk.

Thurel tlangpui :-

1. Section Chungchang :-

Kumin 2012 chhung hian section 5-ah inthen leh nise, section hming, area leh kaihhnawih chu kum hmasa 2011 a mi ang in kalpui leh nise tih a ni.

Section Inthlan leh kaihhnawih hetiang hian ruahman a ni bawk.

i) Inthlan hun atan Ni 12.1.2012(Ninga) zan Dar 6:30.

ii) Inthlanna hi Secret Ballot Paper hmangin, poat by post a neih tur a ni.

iii) Inthlanna ah hian member 50 tal kal tlin nise tih rel a ni a, nomination mi 25 aia tamlo siamin, fllor atangin nomination mi 3 aia tamlo siam theih a ni bawk ang.

iv) Section OB thlanna neih turah hian  Section a OB post ngai a zawna kum 3 lo chelh tawhte chu an post ngaiah thlan nawn theih an ni tawh lovang.

v) Section OB atana thlanchhuah te hian inthlanna a R.O telpuina in committee member tur mi 25 aia tam lo, YMA AW Agent tur mi 1 leh YMA Chanchinbu Sub-Agent tur mi 1 an ruat ang a, heng an mi ruatte hi Ni 15.1.2012(Pathianni) ral hmain Branch Secretary hnenah thehlut vek turin committee chuan a ngen a ni.

vi) Inthlanna neih turah hian Branch OB atangin Section hrang hrang R.O tur hetiang hain ruat an ni a, heng             R.O atana ruat te hian an mahni puibawmtu tur P.O tul an tih zat an hruai thei bawk ang.

CH-Section : Pu K.Darthantluanga  Fin.Secretary

K Section : Pu R.Lalhmachhuana   Vice President

N-Section : Pu R.L.Thanhnuna  Secretary

T-Section : Tv.Zairemmawia  Asst.Secretary

V-Section : Pu C.Lalzarliana  Treasurer.

2. YMA AW chungchang :-

Kumin 2012 chhung atan kan Branch YMA Chanchinbu ‘YMA AW’ chhuah chhunzawm leh nise, a enkawltu atan heng mite hi ruat an ni.

Editor : Pu J.Lalnangliana

Joint Editor : Pu Lalchhandama

News Editor: Tv.Thangkhuma

 Tv.R.Lalrinngheta

Tv. Jakob Lalrinsanga

Cir.Manager : Tv.Johny Lalthanpuia

         Tv.EVL.Hruaitluanga

Pro Manager : Pu R.Lalhmachhuana

   Vice President.

Editorial Board te hi atul angin kum chanve-ah emaw ennawn leh nise. A man atan ` 80/- nise tih a ni. Editorial Board atana ruat thar te hian Ni 15.1.2012 Issue atangin hma lo la tan se tih a ni bawk.

3. Adviser ; Sub-Committee :-

Kum 2012 chhunga Branch YMA Adviser tur atan heng mite hi ruat an ni.

1) Pu Lalbiakthanga Khiangte

2) Pu Rothuama

3) Pi Zamanthangi

4) Pu Lalrengpuia Sailo

Tin, kumin 2012 chhung atan Property leh Documentation Sub-Committee din nise, hruaitu tur chu Section inthlan zawhah la ruat nise tih committee hian a rel a ni.

VENGCHHUNGAH NGAWRH TAKA DUTY A NI.

Chanmari West, January  01 : Branch YMA-in ruahmanna a siam angin Section hrang hrangte mahni Section huamchhung theuh ah Duty a ni a, boruak muanawm tak leh rakmuang tak hnuaiah veng mipuite’n Krismas leh Kumthar hman a ni.
Kum danga lo tih tawh thin angin Krismas leh Kumthar vuakveta vengchhung mipuiten ralmuang tak leh hlimtaka hun kan hman theih nan Ni 17.12.2011 (Sunday) zan atang khan Branch YMA ruahmanna angin Section hrang hrangah Duty a ni.
Section hrang hrang ah hian YMA memberte leh hruaitute thahnemngai takin zan rei tak tak duty thin a ni a, vengchhungah buaina leh harsatna liantham thleng hriat tur a awm lemlo a ni.
Section hrang hrangte hi mahni Section theuhah Group hrang hranga inthenin Section chhunga mi tlawmngaite in ah an duty thin a, heng mi inphalte chungah hian Br.YMA chuan lawmthu a sawi takzet a ni. Duty tanpuina atan hian Excise Department atangin ` 1,000/- dawn a ni bawk a ni. Heng bakah hian mimal thanemngai tak tak hnen atangin sum fai leh thilpek thahnemtak dawn a ni bawk.
Hetihlai hian Mizoram pumah kum 2010 aiin kumhlui 2011 khan sualna a tlahniam hle a ni. District tinah sualna a tlakhniam bakah tualthahna pawh a tlem hle a ni.
Kum 2010 chhung khan Police ten tualthah thubuai 47 an ziaklut a, kumhlui 2011 ah chuan 25 chiah an ziaklut a ni. Kum 2010 ah tualthah thubuai 27 a awm laiin kum kalta 2011 chhung khan 23 chiah a awm a ni. Kum 2010 aiin 2011 khan rukruk, inrawk, mi bum leh thubuai tenau hrang hrang ah thubuai ziahluh a tlem hle a ni. Pawngsual ah 2010 khan thubuai 93 ziahluh niin 2011 ah khan 69 ziahluh a ni bawk a ni.
Kum 2010 khan Mizoram pumah IPC thubuai 2157 ziahluh a nih laiin 2011 January - November chhung khan IPC thubuai 1678 chiah ziahluh a ni. Non-IPC ah chuan 2010 chhungin thubuai 848 zihluh a nih laiin kum kalta 2011 khan 796 ziahluh a ni. IPC leh Non-IPC ah 2010-ah thubuai 3005 ziahluh a ni a, kum kalta 2011 chhung khan 2474 chiah ziahluh a ni.

YMA AW CHHIARTU ZAWNG ZAWNGTE HAPPY NEW YEAR 2012

KUM 2012 BRANCH OB TUR THLANNA NEIH A NI

Chanmari West December  25 : Ni 20.12.2011(Thawhleh) zan khan Kum 2012 atana Branch OB tur thlanna YMA Zawlbuk-ah Pu Lalchungnunga CEC Member, CYMA kaihhruaina a neih niin, President atan Pu T.Ngurkhuma thlan a ni.
Hruaitu thlanna hun hi Session 2 ah then niin, Session khatna hi President Pu T.Ngurkhuma’n a kaihruai a. Upa Lalsangzuala Hauhnar in hunserh hmangin Zaithiam tak tak in hun an hmang bawk a ni. Pu Lalchungnunga Ex. CYMA President leh CEC member ni bawk chuan thu tha tak tak a sawi bawk a ni.
Secretary Pu R.L.Thanhnuna hnen atangin hetiang hian kum 2011 report ngaihthlak a ni.
1. Kum 2011 chhung hian YMA member 2516 awmin mipa 1671, hmeichhia 845  leh Life member 156 an awm a ni.
2. Kumin 2011 hian YMA Chanchinbu copy 97 lak niin YMA AW copy 935 tihchhuah a ni bawk.
c) Kum 2011 January  atanga Ni 31.12.2011 thlenga mitthi kan neih dan hetiang hi a ni :
i) Mitthi (Kan thlanmuala phum) : 37 (Ruang lak chhiar tel a ni)
ii) Ruang thawn chhuah : 9
iii) Ruang lak : 1
Heng mitthi 37 kan neih zingah hian kan Branch YMA member mi 11 (Life Member 2) in min boralsan a ni.
3. Association for Voluntary Blood Donation ten thisen pe tha lawmman an siam ah lawmman 2-na kan dawng a, Dekchi leh Citation a keng tel a ni.
d) Ni 13&14.10.2011 chhunga CYMA leh Art & Culture Deptt. te tangkawpin 10th CM Running Trophy in Cultural Dance Competition a buatsaih ah tel ve niin he intihsiakna ah hian a pumpuiah lawmman 3-na  dawn a ni.
4. Ni 9.11.2011 khan ASEP te’n nungcha humhalh tha chawimawina an buatsaihah, kan Branch YMA ten chawimawina NOPUI lawmman kan dawng. He chawimawina atan hian Dekchi leh Citation  dawn a ni.
5. Ni 18.12.2011 (Sunday) zan khan vengchhungah Krismas Prsent a theih ang ang sem pahin Carol Service hman a ni.
6. Kum 2005 atanga YMA Zawlbuk kan sak chhohah vengchhung atangin Zawlbuk Fund engemawzah veng mipuite thahnemngaihna zarah khawn a ni tawh a, Fund thawhtu zawng zawng chungah Branch YMA chuan lawmthu a sawi takzet a ni. Sum hmuh zawng zawng hi Rs.8,33,860/- a ni.
7. Kumin 2011 chhung hian mi harsa te hnenah tanpuina Rs. 1,26,020/- semchhuah a ni.
8. Ni 17.12.2011 thlenga Chanmari West Branch YMA sum dinhmun hetiang hi a ni :-
Income : Rs.18,44,602/-
Expenditure : Rs.15,26,512/-
Balance : Rs.  3,16,539/-
Session 1-na ah hian mi harsa te pualin thawhlawm khawn a ni a, Rs.5949/-hmuh a ni.Kumin 2011 chhunga member boral te sunna hun Chairman kaihhruainain hman a ni bawk.
Session 2-na hi Kum 2012 atana hruaitu thlanna hun Pu Lalchungnunga R.O kaihhruaina in neih a ni a, heng mite hi thlanchhuah an ni :-
President : Pu T.Ngurkhuma.
Vice President : Pu R.Lalhmachhuana
Secretary : Pu R.L.Thanhnuna
Assistant Secretary: Tv.Zairemmawia
Treasurer : Pu C.Lalzarliana
Finance Secretary: Pu K.Darthantluanga

Kum 2012 Branch YMA hruaitu tur 

thlang dawn

Chanmari West December  11 : Ni 15.11.2011 zana Branch Executive Meeting in a lo rel tawh angin Kum 2012 atana Branch hruaitu (OB) turte thlanna chu Ni 13.12.2011(Thawhleh) zan dar 6:30 hian YMA Zawlbuk-ah neih a ni dawn.
Committee in a lo rel tawh  ‘nomination siam nise’ tih angin heng mite hi nomination list a awm te an ni (Alphabetical order in).
1. C.Lalmuankima
2. C.Lalzarliana
3. C.T.Vawra Zote
4. H.Lalrinmawia
5. H.V.Lalthavela
6. H.Vanlalvena
7. Hmingthansanga
8. K.Darthantluanga
9. K.Lalthakima
10. Lalchhanhima (Puia)
11. Lalmalsawma (Sena)
12. Lalnunsanga
13. Lalramengzami
14. Lalramhluna Hauhnar
15. Lalramliana (Tetea)
16. Lalrinliana (Tea)
17. Lalthanruma
18. Lalthuamluaia
19. R.K.Rozidinga
20. R.L.Thanhnuna
21. R.Lalhmachhuana
22. R.Lalmalsawma
23. T.C.Lalhmangaiha
24. T.Ngurkhuma
25. V.L.Thakima
26. Zairemmawia
Heng bakah hian floor atangin nominate mi pathum (3) an la awm thei dawn bawk a ni.
Inthlanna hun ah hian Section hrang hrang leh Sub-Committee te heng a hnuaia mi ang hian mawhphurhna siam a ni bawk.
1.Light & Sound : Property Sub-Committee (Bungraw senghawi leh dahfel hi T-Section in an pui ang.)
2.Seat arrangment : K-Section.
3.Refreshment : CH-Section
4.Sanitation : V-Section
5.Receptionist : Section tin atangin nula pahnih (2).
Tarlan tawh angin inthlan atana R.O tur atan Central YMA Vice President Pu Lalbiakzuala ruat a ni a, P.O atan Local Council members te leh Br.YMA Advisers te ruat an ni. Programme :-
1st Session :-
Chairman : Pu T.Ngurkhuma  President.
Hunserh : Upa Lalsangzuala Hauhnar
Secretary Report : Pu R.L.Thanhnuna   Secretary
Kum 2011 chhunga member boralte sunna hun Chairman kaihhruai nain hman nghal a ni ang.
Solo : Pu H.Lalthazela
Thusawi : Pu Lalbiakzuala  Vice Pre. CYMA
2nd Session :-
Inthlan : Pu Lalbiakzuala (RO)
Inthlan kar lak ah hian heng mite hi zai tura beisei an ni.
1) Nl.P.C.Hmingthansangi (T-Sect.)
2) Nl.C.Lalbiaksiami (V-Sect.)
Result puan leh lawmman sem :
Kum 2011 chhunga section hrang hrangte’n inelna thianghlim kan neih a Pakhatna hnenah lawmman ` 5,000/- leh lawmpuina thuziak hlan a ni ang. Banna
Refreshment
Inthlan zanah hian Section tin atangin member 50 aia tlemlo kal tura ngen an ni a. Section intihsiakna in a la huam ang. Member 50 kal tlinglo section te chu point pekloh an ni ang. Tin, he hunah hian tanpui ngaite tanpuina atan thawhlawm khawn a ni ang.

Branch YMA Executive meeting vawi 14- na thutkhawm a ni

Chanmari West December  4 : Chanmari West Branch YMA Executive meeting vawi 14-na chu Ni 27.11.2011 (Thawhleh) zan khan an thukhawm a, he meeting ah hian YMA memberte’n Krismas Carol Service  neih chungchang leh halpuah leh a kaihhnawih khap chungchang rel a ni.
Hemi zana meeting hian Ni 18.12.2011 (Sunday) zan inkhawmban hian Branch pum huap Krismas Carol Service neih nise tih a rel a. He hun neih tum a nih avang hian section carol neih tumte pawhin lo neilo mai se tih a ni a, he carol service hi a tul ang leh buaipui ngaite lo buaipui turin Branch YMA OB te leh Section tin Leader te ruat an ni.
Kum 2012 atana hruaitu thlan programme tur duan a ni a, inthlanna hmun tur Primary School tih chu remchan zawkna avangin Middle School ah sawn a ni. Inthlan programme hi Issue leh ah kimchang zawka rawn tarlan a ni ang.
Zofa Cultural Club (ZCC) ten  Zawlbuk sak tanpui nana ` 10,000/- an pe leh Chanmari West Mistiri Association ten  a tul anga hman tur Cement plate pali (4) Branch YMA an rawn pe chu committee chuan an chungah lawmthu a sawi takzet a ni.
Kumin Krismas lo awm tur denchhen hian vengchhunga miharsa te hnenah krismas present pek leh nise tih rel a ni a, section tinte mahni section huamchhungah hetiang ang mi an awm a nih chuan Ni 10.12.2011 (Inrinni) aia tlai lovah Branch Secretary hnenah list feltak siama hriattir theuh tura ngen an ni bawk.
Chhiatni Fund kan khawnbelh luh tawh dan hetiang hi a ni.
 N-Section - `   8,970/-
 V-Section - `   9,460/-
 K-Section - ` 10,050/-
  T-Section - ` 14,790/-
CH-Section - Nil
Tun dinhmun ah Chhiatni Fund Account bikah ` 1,400/- vel kan la neih thu ngaihthlak a ni bawk.

NGENNA

Kum 2011 Krismass leh kumthar 2012 chu kan lo thleng tep tawh a,Krismass hi  mitin ten hlim leh lawm taka kan hman theuh kan duh a ni. He hunpui lo thleng turah hian Mizoram Sorkar leh Central YMA chuan,Halpuah leh Halmawi hal leh zawrh leh naupang silai lem a mu nei zawrh leh hman a khap a,he khapna thupek hi kan Branch YMA pawhin kan vengchhungah khauh taka ken kawh kan tum avangin,heng halpuah,halmawi leh silai lem a mu nei te hi kan vengchhunga dawrkai ten khawngaih taka lo zuar lo hram turin kan in ngen a ni.
Tin,Halpuah leh halmawi hal te silai lem a mu nei kah thinte hi, sum tam tak a lo thlawn a kan tlakralna leh, mi engemawzatin chhiatna an lo tawn tawhna a nih bawk avangin,hetiang harsatna hi kan veng mipui ten kan tawrh lo na atan kan vengchhungah ti lo turin mitinte kan in ngen nghal bawk a ni.
Naupang sikul chawlh te a lo hnaih chhoh tak avangin,sikul chawlh chhung hian naupangte khawlaiah leng chhuak tam lo turin kan in ngen a.Zanah phei chuan chhuak lo turin kan in ngen a.Nu leh pa te pawh kan fa te khuahkhirh hram hram turin kan in ngen a ni.



  (T.NGURKHUMA)     (R.L.THANHNUNA)
President             Secretary
                         CHANMARI WEST BRANCH YMA

VC / Local Council Inthlan February 2012

Chanmari West October 27 : Village Council leh Local Council inthlan chu nakum (2012) February thla hian neih tura ruahman a ni a, hemi chungchang ngaihtuah hian Pu C.Ropianga, State Election Commissioner leh mi pawimawhte tunkar kalta khan an thukhawm.
SEC, Pu C.Ropianga ho a thutkhawm ah hian Roll ennawn dan turte leh inthlan atana E-roll thar chu kumthar Jannuary ni 18-ah tihchhuah tura tih a ni. Kum kalta 2009-a V/C inthlan atanga kumthar 2012 Draft E-rolls-a voter punna chu 10.30% niin hengte hi  ennawn leh tura ruahman leh la danglam tura ngaih a ni. Meeting ah hian kum 2012-a VC leh Local Council inthlanna chu a ruala neih nise tih a ni a, sorkar nena sawiho leh a February thla chhung ngeia inthlan hi buatsaih nise tih a ni. Tun dinhmunah Aizawl Municipal Council huamchhungah hian voters 1,68,649  leh polling station 174 a awm a ni. Inthlanna atana E-roll thar hi kumthar Jan 18 ah tihchhuah tura tih a ni.

CENTRAL YMA THUCHHUAK

Assam Police ten an duh, an nawm an maka an tih theih loh avanga, Mizo tlangval pawisawi lo pathum-Lalhmingmawia (24), Zemabawk, 42nd Rashtrya Rifles (Srinagar-a awm), Lalawmpuia (22), Dilkawn, 7th Assam Regiment (Punjab-a awm) Zoremthara (21), East Lungdar, 7th Assam Regiment (Punjab-a awm) te Gharmura hmuna Assam Police ten ni 11.11.2011 a an chuanna Maxi Cab ti dinga an sawisa hi Central YMA chuan pawi a ti takzet a. Hetianga mi pawisawi lo chunga kutthlak tute hi Central YMA chuan a dem takzet a, thil tisualtute hi an phu tawka hremna pek ngei a phut tlat a ni.
Bairabi a kan Branch YMA leh khawtlang mipuiin kut tuarte thlavang hauh nana an hmalakna hi Central YMA chuan a ngaihluin a thlawp tlat a, Mizo mipui ten a hun taka kantanrualna kan lantir thin hi Central YMA chuan lawmawm a ti tak meuh a ni.

Sd/- VANLALRUATA

General Secretary,

Central YMA

CYMA  NGENNA

Mizoram Sorkar chuan kum 2011 Krismas leh Kumthar 2012 vuakvetah Halpuah leh Halmawi zawrh leh hal a khap a. Halpuah leh Halmawite hi mihringte tana tangkaina nei lo, hriselna tichhe thei, a lo thlawna sum tam tak sen ralna a nih bawk avangin, Central YMA chuan mitinte Halpuah leh Halmawi zuar lo tur leh hal lo turin a ngen a, Sub-Hqrs./Group leh Branch zawng zawngte mahni huamchhung theuhva hma lo la turin kan inngen bawk a ni.
Tin, Silai lem a mu kahchhuah theih naupangin an hmang thin hi Central YMA chuan tha lo a ti bawk a, heng silai lem hi mi tam takin chhiat phah nan an hman tawh avangin, kan fate lei sak lo turin nu leh pate kan ngen bawk a ni.

LAWMTHU SAWINA

Ni 18.11.2011-a Khuangchera Section YMA ten intuaitharna an neih a, an lo haw lam accident an tawh avanga an Section hruaitu Pu K.Lalengmawia a boral avanga amah sunna atana Neuva Section, Taitesena Section leh Vanapa Section ten intuaitharna neih an tum chu Pu K.Lalengmawia sunna atan an thulh a, an Section chungah Branch YMA chuan lawmthu sawi a ni.

BRANCH YMA EXECUTIVE MEETING NEIH A NI

Chanmari West October 13 : Ni 15.11.2011 (Thawhleh) zan khan Branch Executive Meeting Tv.Lalrinmawia, CH-Section te in ah neih a ni a, he meeting ah hian 2012 hruaitu thlan hun leh khawtlang pawimawh dang rel a ni.
Meeting ah hian committee hmasa leh tun tum committee inkara hmalakna hrang hrang Secretary hnen atangin ASEP atanga kan Branch YMA-in Chawimawina Nopui (Dekchi 20”) leh Citation kan dawn leh RD Department atanga Step Checker tile phah rawng hnawina tur sum kan hmuha hmalak tawh te ngaihthlak a ni.
Kum 2012 atana Branch hruaitu (OB) turte thlanna chu Ni 13.12.2011(Thawhleh) zan dar 6:30 hian Chanmari West Primary School-ah neih nise tih rel a ni. He inthlan buaipui tur hian heng mite hi ruat an ni.
R.O :- Pu Lalbiakzuala,
Vice President, CYMA
P.O’s :- 1. CWBYMA Advisers.
2. Local Council Members.
Nomination atan hian Branch Executive member zawng zawngte leh dan bu in a sawi angin Floor nominate mi 3 aia tam lo an ni ang.
Central YMA General Secretary in kan Branch atanga CYMA Sub- Committee peng hrang hrang a member awm tur ruat tura min rawn tih angin heng mite hi ruat an ni.
1) Kumpuan Sub-Committee member tur atan :- Pu.Lalchhanhima ‘K’
2) Sport Sub-Committee member tur atan :- Tv.Zairemmawia ‘N’
1) Culture Sub-Committee member tur atan :- Pu.V.L.Thakima ‘V’
Kumdanga kan lo kalpui thin angin kumin Krismas leh Kumthar hun ah kan vengchhung a lo thianghlima mipui ten hlim taka he hun kan hman theih nan Section tinte Ni 17.12.2011 atanga Ni 3.1.2012 chhung hian tlawmngaia duty leh nise tih rel a ni bawk.
Sum enkawltute hnen atangin Zawlbuk sak mek chhunzawmna atana Public contribution kan khawn zat ` 3,91,800/- a nih thu ngaihthlak a ni a, tlawmngaia petu zawng zawng chungah Committee chuan lawmthu a sawi takzet a ni.

SUNNA

K.Lalengmawia(1959 - 2011)

Pu K.Lalengmawia hi Pu K.Hmingliana (L) leh Pi Suakliani te fa pariat(8) zinga parukna(6) niin Ni 19.5.1959 khan Sihfa-ah a piang a. Kum 1967 khan Sihfa atangin tuna an chenna ah hian an rawn pemthla a ni. Kum 1982 khan Pi Zohmingthangi D/o Khamthanga (L0 nen hian inneiin fa panga(5) mipa 2 leh hmeichhia 3 an nei a ni. A pa Pu K.Hmingliana hian kum 2005 khan a lo boralsan tawh a, tunah hian a nu Pi Suakliani ho in Khuangchera Section ah an khawsa mek a ni. Pu K.Lalengmawia hi zirna lamah chuan High School a zir zo lova. Kut hnathawk mi niin tuizem siamin workshop te pawh hmun 2 laiah a nei a ni. Kohhran lamah Salvation Army niin Chanmari West Corp. pawh hi tuna an chenna in atang hian a lo piang tawh a ni. Kohhran in tih tur a tih reng rengah tlanchhe ngailo leh phak ang tawk tawk a inhmangin a hun a lo hmang thin a ni.
Khawtlang mawhphurhna lamah chuan YMA hruaitu hun rei tak lo ni tawhin a boral thleng hian Section hruaitu hna pawimawh tak a chelh mek a ni. Hetiang ang mi YMA thil tihna kawng hrang hranga sulsutu pawimawh tak leh taima tak kan chan hi Chanmari ‘W’ Branch YMA chuan a ui in a sun takzet a ni.

CCC Meeting Vawi 1-na thukhawm

Chanmari West October 13 : Ni 9.11.2011 (Nilaini) Dar 10:30am khan Central YMA Hall, Tuikhuahtlangah Central Co-ordination Committee (CCC) Meeting neih a ni a, meeting hi Pu T. Sangkunga, President, Central YMA-in a kaihruai a ni
Meeting-ah hian YMA Kumpuan "Ram leh Hnam Humhalh" kaihruaina chungchang, 66th YMA General Conference 2011, Ni 25th-27th, October, 2011 chhunga Kolasib-a neih zawh tak thlirletna neih a ni.
Pu Vanlalruata, GS-in CCC Meeting hmasa 14th September, 2011 leh 9th November 2011 inkara hmalakna hrang hrang report  a pe a. Kumpuan “Ram leh Hnam Humhalh” kaihhruaina siam turah CCC member an ngaihpawimawh leh kaihhruaina-a telh an duhte sawihona neih a ni bawk. CEC Meeting-in 66th YMA General Conference thlirletna a lo neih tawh chhiarchhuakin a sawifiah nghal a, YMA General Conference Kolasib-a neih chu thlirlet a ni.
YMA General Conference thurel bawhzui dan tur chungchang hetiang hian rel a ni :
A. YMA KHAWIH
“Mizoram khawpui hrang hrangah thlanmual intawm (Common Cemetery) kan neih theih nan,  “Mizorama Project/Industry ah leh leilung hausakna haichhuah kawngah ram leilung  faten a tam thei ang ber hamthatna an dawn theih nan Central YMA-in hma la rawh se”, “Mizorama hnamdang dan lova sumdawngte hi YMA hian dapchhuah hna hi tun aia chak zawkin hma la rawh se” tih leh “Kan rama tuihna humhalh leh a awmsa tihpun zel a nih theih nan Central YMA-in hma la rawh se” tih chu CEC-in lo bawhzui se tih a ni.
B. SORKAR KHAWIH :
1) “Mizoramah zirna a lo that zawk theih nan thingtlang leh khawpuiah rualkhai thei ang berin zirtirtu, Sorkar-in siksawi rawh se” 2) “Tribal hmeichhia Non Tribal pasal neite, an pasalte hnam vuan tura Dan (Supreme Court Ruling) awmsa hi Mizoramah khauh zawka kalpui nise, hnamdang Mizo hminga an hming thlak thinte hi ram leilungfate chanvo humhalh nan Sorkar-in khapna khauh takin siam rawh se”  3)“School Academic Session tuna kan hman mek hi India State dangte tih dan milin April - March-ah thlak turin Dorkar ngen ni rawh se” 4)“Labour Law kan neih ang angte kenkawh kawngah Sorkar-in chak zawka hma la turin Central YMA-in ngen rawh se”  tih chu CEC-in lo bawhzui se tih a ni. 5) “Mizoramah hmun remchang chuh a Bawk khawh a khawper din thin hi a awm tawh lohna turin hmalak ni rawh se” tih chu a tul angin CEC-in ruahmanna siamin lo bawhzui ni se tih a ni bawk.
He meeting-ah hian member 178 an kal a, member lo kal khawmte hi Bangladesh, Manipur, Tripura leh Mizoram hmun hrang hrang atanga kal an ni.

ASEP tena Nungcha humhalh tha ber lawmman an siam Chawimawina Nopui  kan Br. Fin.Secretary Pu Lalthuamluaia’n a dawng.

BRANCH YMA EXECUTIVE THUKHAWM

(Chhiatni fund khawn belh a ni dawn)

Chanmari West October 06 :    Ni 1.11.2011(Thawhleh) zan khan Chanmari West Branch YMA Executive Meeting Vawi 13-na chu neih a ni a, he meeting ah hian    vengchhung chhungkaw tinte hnenah chhiatni fund khawn leh rel a ni.
    Meeting hi President, Pu T.Ngurkhuma’n a kaihruai a, thu pawimawh tak tak rel a ni .Bawhzui ngai thenkhat awmte Section kutah dah a ni bawk.
Thurel tlangpui :-
1.    Memberte puala Intihhlimna hun hman Section hrang hrang heng Vanapa, Taitesena leh Khuangchera Section ten  an dil chu pawmsak an ni. He hun hi memberte’n kumpuan ‘Khawtlang Nun Siamthat’ hrereng chunga hmang theuh turin Branch YMA committee chuan a ngen nghal a ni.
2.    YMA Zawlbuk sak kallai meka Badminton Court siam tumna awm chu hma kan lak chhoh mek ah hian Badminton Court siamna tur lam kan la thlen hnaih dawn loh avang leh tuna kan sum dinhmunin heng ang hi a la tih tel theih loh avangin, a dawn hnaihah a tul anga la ngaihtuah leh tura dah a ni.
3.    10th Chief Minister Running Trophy in Cultural Dance Competition  2011 (13-14.11.2011) neih zawh tak thlirletna hun hman a ni.He cultural dance intihsiakna neih zawh taka 3-na dinhmun kan Branch in a la chu committee chuan lawmawm a ti hle a ni.
4.    66th YMA General Conference, Kolasib a neih zawh tak pawh thlirletna hun hlimawm tak neih a ni bawk. Conference ah hian kan branch atangin palai 18 kan kal a ni. Conference ah hian thlengtu tanpuina ` 1,000/- hlan a ni a, kum 2012 a kan branch budget ` 7,400/-  niin conference a sum hmanral zat hi ` 5,000/- a ni.
5. Chhaitni Fund dinhmun sum enkawltute hnen atangin ngaihthlak a ni. Tun dinhmunah hian ` 12,379/- kan la nei a, kumthar February hma hian kan khawn leh mai a rinawm tawh loh avang leh kan hun tawn tur hriatlawk a nih loh avangin committee chun section tin a chhungtin hnenah ` 50/- aia tlemlo khawn leh mai nise tih rel  ani. Chhiatni Fund hi Section tin ten November thla ral hma a khawn nise tih a ni bawk.

VENGCHHUNG MIPUITE HNENA NGENNA

        Kum 2011 chhung atana chhungtinte hnena atanga Chhiatni Fund kan khawn chu tunah hian kan hmang zo a ni ta mai a. Kan vengchhungah hian kumin 2011kal mekah  hian vanduaithlak takin mitthi 30 leh ruang thawnchhuah 8 vel lai mai  kan nei tawh a ni. Heng zingah hian chhiattawk tlaivarpui ngai engemawzah an awm a ni. Vengchhung bik a chhiat kan tawh hian chawhrualin ` 7,000/- (sawhchiar siamna, chhang,thingpui bawlhlo, gas, bus hman man, kuang thing leh a tuamna/cheina) vel senral thin a ni. Chhiatni Fund hi 2012 February thla bawr vel hma chu kan khawn leh tawh hmel loh a.Tun dinhnunah ` 12,000/- bawr vel kan la nei a. Hetiang a nih avang hian vengchhunga chhungtinte hnenah ` 50/- aia tlemlo November thla chhungin khawn leh mai nise tih Branch YMA committee chuan a rel a. He kan mamawhna hi hre reng chung leh tlawmngaih chhuah a lo pe theuh turin chhungtinte Branch YMA chuan a ngen takzet a ni.

66th  YMA  GENERAL  CONFERENCE TIAK
Chanmari West October 30 :    YMA General Conference vawi 66-na Kolasib , Diakkawn, Pandal a neih chu Ni 27.10.2011(Ninga) khan neih zawh a ni a, Khuallian atan Home Minister Pu R.Lalzirliana hman a ni. Kum 2012 General Conference chu Kawrtethawveng-ah neih a ni ang.
    Tun tum General Conference ah hian Ni 26.10.2011 Dar 10:00 thlenga zan riak tura palai inziaklut mi 3247 an awm a, heng bakah hian langa kal mi enemawzat an awm bawk a ni.
    Ni 26.10.2011 (Nilaini) khan Pu Lalchungnunga President kaihhruaina in Rorel inkhawm neih a ni a, he rorel inkhawm ah hian palai 1511 an kal a, kum 2011-2012 budget atan Rs 80,36,588/- pawm a ni. Gen.Conference  ah hian kum 2012 kumpuan atan ‘Ram leh Hnam Humhalh’ tih chu pawm ani bawk. He rorel inkhawm ah hian Agenda chi hrang hrang YMA khawih 4 leh Sawrkar khawi 5 te chu lungrual taka pawm a ni.
    He General Conference neih zawh tak ah hian kum 2011-2013 atana hruaitu tur thlanna neih a ni a, inthlanna ah hian vote nei thei mi 5159  ah mi 2640 in vote an thlak a, hruaitu a thlan thar te leh an vote hmuh dan chu:-
President         -  T. Sangkunga     (Vote 1404/2640 - 53.19%)
Vice President    -  Lalbiakzuala     (Vote 2087/2532 - 82.43%)
Gen. Secretary    - Vanlalruata    (Vote 2006/2305 - 87.03%)
Asst. Secretary    - R.L. Rindika    (Vote 710/2310  - 30.74%)
Treasurer        - R. Lalngheta    (Vote 960/2141  - 44.84%)
Fin. Secretary     - J. Lalsailova    (Vote 887/1680  - 52.80%)
    YMA General Conference ah hian lawmman chi hrang hrang sem a ni bawk a, chung lawmman leh a la tu te chu:-
YMA Branch Chanchinbu tha :- Maryma (Ramhlun ‘N’ Branch YMA)
YMA Chanchinbu (CYMA la tam :-
Aizawl City :- Bawngkawn Branch - 417copies.
Aizawl pawn :- Kahrawt Branch, Champhai - 200copies.
Member atabfa teh (%) a la tam :- Bukpui Branch, Serchhip - 38copies.
Kumpuan bawhzui tha :-
Branch    :- Edenthar Branch, Aizawl.
Group    :- Khawzawl Group.

YMA GEN.CONFERENCE KOLASIB - AH HMANG DAWN 

Chanmari West, October 23 : YMA General Conference 2011 chu Ni 25-27.10.2011 chhung hian Kolasib (Diakkawn Field)-ah neih  a ni dawn. Thupui atan ‘Khawtlang Nun Siamthat’ hman a ni ang. Kumin YMA Gen.Conference hi hruaitu thlan kum a nih avangin member thahnem tak an kal beisei a ni.
Ni 25.10.2011 zan Dar 6-10:00 hian Palai lawmna inkhawm neih a ni ang a, he hun hi Pu H.Zoremthanga’n a kaihruait ang a, Palai lawmna thu Pu H.T.Rila, Vice President, Sub-Hqrs. Kolasib in a sawi dawn a ni. Zaipawl leh malzai ngaihnawm tak tak ngaihthlak tur a awm bawk dawn a ni. He hunah hian 2010 chhunga YMA Chanchinbu tha, YMA Chanchinbu la tam leh Ram leh hnam humhalh tha lawmman sem a ni bawk ang.
Ni 26.10.2011 ni hian ROREL INKHAWM (10:00a.m - 4:00p.m) Pu Lalchungnunga, President CYMA kaihhruaina hnuaiah neih a ni ang a, Pu Lalngheta, Treasurer CYMA in budget a pharh nghal ang. Rorel chhung hian Diakkawn Hall-ah Variety Programme hman a ni ang a, zan lamah vantlang inkhawm buatsaih leh a ni ang. Ni 26 zing Dar 9:30a.m hian Pu K.Sapdanga, CEC in YMA Exhibition a hawng dawn bawk a ni. Hemi ni chhûn leh zân hian Inkhâwmpui Palai zawng zawngte Mizo hnam zia râng pho lang thei ang bera inchei vek tûr a ni a, chanvo nei turte phei chu he ngenna zâwm ngei tûra ngen an ni.
Ni 27.10.2011 Dar 11:00a.m ah hian hruaitu thlanna hun hman a ni ang a, tarlan tawh angin Returning Officer tur chu Pu Vanlalrema Rokhum, CEC a ni ang. Central YMA Nomination List te chu :-
1) Dr.Lalnuntluanga Zemabawk
2) K.Lalrinmawia Thuampui
3) H.Lalsangzuala Ramhlun Vengthar
4) J.Lalsailova Mission Veng North 5) Lalbiakzuala Khatla
6) Lalchungnunga Ramhlun North
7) Laldawngliana Tochhawng   Kanan
8) Lalhmachhuana Chaltlang North
9) Lalrochuanga Pachuau Zarkawt.
10) R.Lalbiakthanga  Zemabawk North
11) R.Lalngheta Hlimen
12) RL.Rindika Bungkawn
13) T.Sangkunga Dinthar
14) Vanlalruata Tuikual South
Ni 27.10.2011) dar 7 - 10:00 hian Palai thlahna hun hman a ni ang a, President nilai Pu Lalchungnunga leh President atana thlan thar te bakah Pu Lal Thanzara, MLA, Chairman, Fund Rising Committee ten thu an sawi ang. Palai thlah zan hian Mizo zaithiam hrang hrang zaipawl, mimal, Pu Rosangliana, ZOROCK, Mizo Idol 1-na bakah 2011 Comedian Search a 1-na ten hun an hmang dawn a ni.

LIR THEI

                Lir thei han tih ringawt chuan i lung a kuai lem lovang-mahse a hun a thleng ta-lir thei tual lai.
       Khawvel thang zel ah kan nunphung te a in her zel a, tunah phei chuan dawhkan a  dak pha tawk tawk pawhin pha leh pha lovin Computer an ti kal zet zet tawh mai. Chutih lai chuan lirthei lah a tam tual tual mai bawk si. Aizawl khawpui phei chu a pung chak em em mai le.
Sorkar te pawh hian hma an la in a tih dan tur te tha tak takin han dawng thin mahse-meng leh meng chu in bum theih tih ang hrimin Garrage nei lem lo pawhin mite beh chhanin Registration kan ti thei zel bawk si, abuaithlak zawng a nih hi, thuneitu te tan chuan kan veng chhung hi chu tunai hi chuan kawngte hi a tawt lo deuh dan te han zawng se-kaih harh theih hi an awm hlawl lo emaw ni le.
Kawng a zau leh kan dahna lai a zau deuha, a zim leh kan dah zim deuh a ni mai bawk si-A hah thlak zawng a nih hi hi. Nang enge i ngaih ve.

(Lawmman hmuhtheihna photo Gallery-ah a awm e)
10th CM RUNNING TROPHY NEIH A NI 

(Champion Ramthar North Br.YMA) 

Chanmari West, October 16 : Ni 13 - 14.10.2011  khan 10th Chief Minister’s Running Trophy  in Cultural Dance Competition Central YMA leh Art & Culture Deptt. buatsaih chu AR Lammual ah neih niin  a ni 2-na Ni 14-ah Lawmman Semna Inkhawm Vanapa Hall ah neih a ni.
He hnamlam intihsiakna hian ni 2 awhin, Ni 13.10.2011 (Ningani) ah Pu R.Hmingthanzuala, Dy.Director, A&C chuan kaihhruaiin intihsiakna hi Pu Lalchungnunga, President, CYMA chuan a hawng a. Ni 14.10.2011 (Zirtawpni ) hian intihsiakna hi chhunzawm leh niin chawhnu lamah Lawmman semna inkhawm Pu Ngurbiaka,  Director, A&C Deptt. kaihhruaina in Vanapa Hall-ah neih a ni.
Lawmman semna inkhawm ah hian Pu Lal Thanhawla, Chief Minister chu Khuallian niin Khualzahawm ah Pu P.C.Zoramsangliana a ni. CM Running Trophy ah hian Aizawl khawpui chhung atangin Branch 38 an tel a, khawpui pawn atangin Branch 11 an tel bawk a ni.
He intihsiakna ah hian hnamlam chi thum Chai, Cheraw leh Chawn- lam te in intihsiak a ni a. Ramthar ‘N’ Br.YMA chu Chawnlam leh Chai-ah pakhatna, Cheraw ah pathumna ni bawkin Champion an ni a. Ramhlun South Br. YMA chu Cheraw ah pakhatna niin  Runner Up an ni.
Kan  Branch YMA pawh heng lam chi thum ah te hian tel kim vekin Cheraw leh  Chawnlam ah 2-na ve ve niin a pumpuiah pathumna kan ni.
He CM’s Running Trophy ah hian Pakhatna in Trophy leh ` 30,000/- an dawng a. Pahnihna in Trophy leh ` 15,000/- dawngin, 3-na atanga 10-na thleng hian ` 10,000/- theuh an dawng bawk a ni.

Chanmari West Br YMA aiawhtute

RESULT KIMCHANG

Ni 13 - 14.10.2011 a 10th Chief Minister’s Running Trophy  in Cultural Dance Competition neih zawh taka result hetiang hi a ni.

Champion  :- Ramthar ‘N’ Br.YMA

Runner Up :- Ramhlun ‘S’ Br.YMA

Chai :-

1st :- Ramthar ‘N’ Br.YMA

2nd :- Mission Vengthlang Br.YMA

3rd :- Armed Veng ‘S’ Br.YMA

Cheraw :-

1st :- Ramhlun ‘S’ Br.YMA

2nd :- Chanmari ‘W’ Br.YMA

3rd :- Ramthar ‘N’ Br.YMA

Chawnlam :-

1st :- Ramthar ‘N’ Br.YMA

2nd :- Chanmari ‘W’ Br.YMA

3rd :- Chaltlang ‘N’ Br.YMA

Heng lam chi thum ah hian 1-na in ` 2,000/- 2-na in ` 1,500/- leh 3-na in ` 1,000/- theuh an dawng a ni.

@ Member tel tam ber - Mission Vengthlang  (54 -members) an ni a,   ` 2,000/- an dawng a ni. Heng bakah hian Branch tel zawng zawngin ` 7,500/- an dawng theuh bawk a ni.Top 10 alang Branch te chu:-

1st - Ramthar ‘N’ Br. YMA

2nd - Ramhlun ‘S’ Br. YMA

3rd - Chanmari West Br. YMA 

4th- Mission Vengthlang Br. YMA 

5th - Chaltlang ‘N’ Br. YMA 

6th - Armed Veng Br. YMA

7th - Dinthar Br. YMA 

8th - Vaivakawn Br. YMA 

9th - Maubawk Br. YMA 

10th - Chanmari Br. YMA 

BRANCH YMA EXECUTIVE MEETING THUKHAWM

Chanmari West, October 09 : Ni 7.10.2011 (Zirtawp) zan khan Chanmari West Branch YMA Executive meeting chu President kaihhruaina in Pu K.Darthantluanga In K-Section ah an thukhawm.
Meeting ah hian Branch YMA Sport neih zawh tak Review na hun hlimawm tak neih a ni a, committee chuan hlawhtling a tiin mawhphurhna hlenchhuak zawng zawngte chungah lawmthu a sawi a ni. participation Prize lawmman atana ` 15,000/- lai mai thawhtu Pu F.Zosanga te chhungkaw chungah lawmthu a sawi takzet a ni. Sport neih zawh takah khan member 43 lai mai kan pun belh thu ngaihthlak a ni bawk.
YMA Gen.Conference chungchang :-  YMA General Conference 2011 Kolasib-a Ni 25-27.10.2011 a neih turah kan Branch atanga kal tumte chu Ni 16.10.2011(Pathianni) ral hmain Branch Secretary Pu R.L.Thanhnuna hnenah ` 100/- pein in report tur a ni. Motor hman tum a nih avangin kal turte chuan hei hi ngaih pawimawh theuh tur a ni.
YMA General Conference lo awm turah hian Conference ah hian Mizo incheina/inthuamna ngai pawimawh theuh turin  Sub-Hqrs. Kolasib chuan palaite a ngen  a, kan Branch hi Counter No.3, Diakkawn Branch ah kan thleng dawn a ni.
Zawlbuk chungchang :- Working Committee atangin report ngaihthlak a ni a, Ni 17.5.2011 atanga sum hmanral tawh zawng zawng chu Rs 6,14,993 /- niin tha (hlawhfa bik) 552 sen a ni tawh bawk a ni. Hmalak zel dan tur leh a tul angte lo buaipui chhunzawm zel turin Working committee meeting chuan a ngen a ni.
Zawlbuk fund khawn mek luh tawh dan hetiang hi a ni :-
CH Section :- ` 42,350/-
K-Section :- ` 38,500/-
N-Section :- ` 15,050/-
T-Section :- ` 50,850/-
V-Section :- ` 44,750/-
Total      :- ` 1,91,500/-
Meeting ah hian member 17 kalin Zan dar 10:30 ah tin a ni.

CEC MEETING HNUHNUNG BER NEIH A NI

Ni 1.10.2011 khan 2010-2011 chhunga CEC Meeting hnuhnung ber chu Pu Lal Chungnunga President kaihruaina in Central YMA  Committee Room-ah neih a ni a, meeting ah hian Pu Lalbiakzuala, General Secretary in report a pe a ni.
General Secretary report-ah hian Tuikuk laklet te Mizoram khua leh tui dik takte an nih leh nih loh a hmuna enfiah tura Pu J. Lalsailova, Fin. Secretary, Pu Roneihthanga CEC leh Pu C. Vanlalsanga CEC te an kal thu ngaihthlak a ni. Sairang  leh Zuangtui a mi bo zawngtute ei leh in atana ` 12,000/- pek a nih thu ngaihthlak a ni bawk.
YMA General Conference chungchang : YMA General Conference 2011 Kolasib-a Ni 25-27.10.2011 a neih tur Programme duan chhin (Draft) thlir ho niin Programme Committee te uluk zawkin lo siamtha leh tura tih a ni. Kum 2011-2013 hruaitu thlanna a R.O turin Pu Vanlalrema Rokhum CEC, ARO - Pu C. Zoliana CEC, Secretary - Pu H. Vanlalrawna CEC leh Asst. Secretary - Pu B. Rothangliana CEC te ruat an ni. P.O tur hian CEC Nomination-a awm lo te leh CEC hlui remchang sawm nise, Sub-Hqrs. YMA President leh Secretary te ruat an ni bawk. YMA General Conference 2011 tiak zan Ni 27.10.2011 hian Mi harsate pualin thawhlawm khawn nise tih a ni.
He Meeting hian Sihphir Vengthar Branch YMA-in Sihphir Venghlun Branch YMA tia thlak an dilna chu pawmpui an ni.

SECC NEIH TUR CHUNGCHANGA SENSITISATION WORKSHOP

Chanmari West, October 02 : India rampum huapa Socio-Economic & Caste Census (SECC) neih tur chhungchangah State Level Sensitisation Workshop buatsaih a ni a, he workshop hi Pu V. Lalremthanga, Addl. Secretary, GAD leh State Nodal Officer, SECC - 2011 nibawk kaihhruaina hnuaiah vawiin khan I & PR Auditorium-ah hman a ni.
He workshop-ah hian DC, Charge Officer, National Trainer, Master Trainer, RD Department, UD & PA Department, Directorate of Census Operations leh NIC hotute an tel a ni.
Socio-Economic & Caste Census 2011 hi Mizoram ah chuan 1.11.2011 ah tan theih beisei a ni a, tehfung hrang hrang hmanga chhungkaw tin dinhmun belhchian tum a ni. He chhiarpui pawimawh em em nachhan chu sorkar laipuiin Five Year Plan chhunga hmasawnna leh mirethei chhawmdawlna policy fel tak a duan theihnan he census data hi a hmang dawn a ni.
SECC 2011 atan hian Mizoram ah chuan GAD chu Nodal Department atan ruat a ni a, Nodal Officer atan Pu V. Lalremthanga, Addl. Secretary, GAD chu ruat a ni. Thingtlang (rural) area zawng zawng chu RD Department lamin an chhiar ang a, khawpui (urban) area zawng zawng (23 Notified Towns) chu UD & PA lamin an chhiar thung ang.
SECC 2011 hi lehkhapuan hmang lo (paperless census) a neih tura ruahman a ni a, electronic hand held device (Tablet PC) hmanga mipuite dinhmun chungchang chu lakkhawm a ni ang. He khawl siam tute chu Bharat Electronics Limited (BEL) siam a ni a, Electronics Corporation of India Limited (ECIL) kaihhruaina in khawl hi fehchhuahpui tur a ni.
ECIL lam la inpeih loh avangin chhiarpui hi 1.11.2011 ah sawn hlat a ni a, December 2011 chhunga zawh tum a ni.
Socio-Economic & Caste Census tak hi chu a vawi khatna tur anih rualin Socio-Economic Census (BPL Census tih a hriat lar) erawh chu Five Year Plan thar hman dawn apianga buatsaih a ni thin a, tun census ah hian mipuite dinhmun dik thei ang bera phawrh chhuah tum a ni. Pu V. Lalremthanga chuan he census hi dik leh felfai taka kalpui anih theih nan kalkhawmte chu theih tawp chhuah turin a ngen a, ram hmasawnna kalpui zelna kawngah mawhphurhna sang tak an neih thu leh an sulhnu chuan ram kalsiamah nghawng thui tak a nei dawn a ni a ti. 

BRANCH YMA SPORT NEIH ZAWH A NI

Chanmari West, September 25 : Ni 17-24.9.2011 chhunga Chanmari West Branch YMA Sport 2011 chu nimin khan zawhfel niin sport ah hian section hrang hrangte’n Football, Volleyball leh Basketball hmangin inelna an nei a ni.
Sport neih zawh takah hian Section hrang hranga memberte an thawkchhuak tha hle a ni. Tarlan tawh angin kar hmasa inrinni (17.9.11) khan Jt.YMA Field, Vaivakawnah Football khelh a ni a, ni 19-22.9.11 zing leh zan ah Basketball Chanmari West court ah leh Volleyball Indoor stadium-ah te khelh a ni bawk a ni. Indoor lama programme ah phei hi chuan Indoor a leng lo khawp member an pungkhawm a ni. Nimin Inrinni nilenga Football match neih leh a nih hnuin a kharna hun (Closing function) leh lawmman semna neih nghal a ni. Closing function hi Pu R.Lalhmachhuana, Chairman Organising Committee in a kaihruai a, vengchhunga NGO hruaitu leh Branch OB lo ni tawh thahnemtak he hun ah hian an tel a ni. Branch YMA in Sport a buatsaih ah hian Participation Prize Dekchi lian tak mai Section tinin an dawng a, he lawmman hi Pu F.Zosanga te chhungin an nu Pi Thanthuamliani hriatrengnan an rawn tum a ni. Overall Champion Vanapa Section in Tea-Urn tha tak mai Pu C.Lalzarliana ‘n a rawn tum an dawng bawk a ni.

He Sport neih zawh taka Items hrang hrang Result chu hetiang hi a ni.
FOOTBALL
Mipa Team A  Champion :- Vanapa Section
Team A  Runner-up :- Khuangchera Section
Best Player :- Laltleipuia ‘V’ Section
Top Scorer :- Zion Lalramluaha ‘K’ Section
Team B  Champion :- Vanapa Section
Team B  Runner-up :- Chawngbawla Section
Hmeichhia
Champion              :- Vanapa Section.
Runner - up    :- Khuangchera section.
VOLLEYBALL
Mipa Champion :- Khuangchera Section.
Runner-up :- Neuva Section.
Hmeichhia Champion :- Vanapa Section.
Runner-up :- Taitesena Section.
BASKETBALL 
Champion :- Khuangchera Section.
Runner-up :- Taitesena Section.

CM RUNNING TROPHY NEIH A NI LEH DAWN

10th CM Running Trophy, Cultural Dance Competition, CYMA leh Art & Culture in a a huaihawt chu October Ni 13 leh 14 hian AR Ground ah neih a ni leh dawn. He huna tel tur hian kan Branch YMA pawh nasa takin a inbuatsaih mek a, zan 14 zir tawh a ni. He intihsiakna a tel tura ngaih leh hemi tinzawna zantina zir thei tura intiam ngam te chu Ni 26-30.9.2011 inkara tel ngei tawh tura hriattir kan ni e. A bak chu hun khar a ni tawh ang tih Organising Committee  thuchhuak a ni.  

BRANCH YMA SPORTS TAN A NI

Chanmari West, September 18 : Ni 17.9.2011(Inrinni) Dar 9:15am khan Chanmari West Branch YMA Sport 2011 chu Jt.YMA Field, Vaivakawn-ah neih tan a ni.
Branch YMA in a lo rel tawh angin Chanmari West Branch YMA memberte hlimtlang tak leh section hrang hrangte YMA tana kan thawhhona alo that theih zawk nan leh kan inpumkhat lehzual zawk nana Sport a buatsaih chu nimin khan Pu T.Ngurkhuma, President CWBYMA chuan a hawng a, he sport ah hian Section hrang hrangte Football, Volleyball leh Basketball hmangin an intihsiak dawn a ni.
Tunkar lo awm tur a Volleyball leh Basketball khelh dan tur
Volleyball :- Zan Dar 8:30pm.
1. Ni 19.9.2011(Mon)
Ch-Sect. Vrs T-Sect. (W)
V-Sect. Vrs K-Sect.(M)
2. Ni 20.9.2011(Tue)
V-Sect. Vrs N-Sect.(W)
T-Sect. Vrs N-Sect.(M)
3. Ni 21.9.2011(Wed)
V/N-Sect. Vrs K-Sect.(W)
N/T-Sect. Vrs CH-Sect.(M)
4. Ni 22.9.2011(Thu)
FINAL
Winner1 Vrs Winner 3(W)
Winner1. Vrs Winner 3(M)
Basketball :- Zing Dar 7:00am.
1. Ni 19.9.2011(Mon)
CH-Sect. Vrs K-Sect.
2. Ni 20.9.2011(Tue)
T-Sect. Vrs N-Sect.
3. Ni 21.9.2011(Wed)
CH/K-Sect. Vrs V-Sect.
4. Ni 22.9.2011(Thu)
FINAL
       Winner 2 Vrs Winner 3
Volleyball leh Basketball Refree turin heng mite hi beisei an ni.
1. Volleyball :-
1) Pu F.Lalhmingmawia ‘K’
2) Tv.PC.Lalhriatpuia ‘V’
3) Tv.Malsawmtluanga ‘T’  
4) Pu Lalduhawma ‘CH’
5) Pu Laltlanmuana ‘T’.
(Ni 19 - 22.9.2011 ah Indoor Stadium-ah khelh thin a ni ang)
2. Basketball :-
1) Mathew Lalfamkima ‘CH’  
2) Lalremruata ‘K’
3) Lalnghakmawia Khiangte ‘T’
4) Lalchhuanawma ‘N’
5) Lalduhzuala Ngente ‘V’
(Ni 19 - 22.9.2011 chhungin khelh thin a ni ang)

ORGANISING COMMITTEE THUCHHUAK

@ Volleyball leh Basketball  Refree -a ruat te hi Incharge te nen match an conduct hun tur lo insiamrem tura tih an ni.
@ Inkhelh tan hun tarlan a turn-up hman lo chu disqualified tur an ni ang a, Rules and Regulation hi Match official te leh Incharge te kutah a awm ang.
@ Rokhawlhna dang a awm a nih loh chuan tunkar lo awm tur Ni 22.9.2011 (Ninga) zan hian Organising Committee te Pu C.Lalzarliana In (CH-Section) ah committee neih  tur a ni a, committee member zawng zawngte hunawl lo insiam turin an in ngen.

Ni 14.9.2011 Central Coordination Committee (CCC) Meeting

YMA Committee sang ber Central Coordination Committee vawi 66-na chu Central YMA Hall, Tuikhuahtlang-ah neih ah hian 66th YMA General Conference 2011 Sub-Hqrs. YMA, Kolasib-a neih tur chungchang an ngaihtuah a, Sub-Hqrs., Group leh Branch atanga Agenda lo lut an thifim a, hengte hi chhawpchhuah nise an ti.
YMA KHAWIH
1. Mizoram khawpui hrang hrang thlanmual intawm (Common Cemetery) kan neih theih nan Central YMA-in hma la rawh se.
2. Mizorama Project/Industry ah leh leilung hausakna haichhuah kawngah ram leilung faten a tam thei ang ber hamthatna an dawn theih nan Central YMA-in hma la rawh se.
3. Mizorama hnamdang dan lova sumdawngte hi YMA hian dapchhuah hna hi tun aia chak zawkin hma la rawh se.
4. Kan rama tuihna humhalh leh a awmsa tihpun zel a nih theih nan Central YMA-in hma la rawh se.
SORKAR KHAWIH
1. Mizoramah zirna a lo that zawk theih nan thingtlang leh khawpuiah rualkhai thei ang berin zirtirtu, Sorkar-in siksawi rawh se.
2. Tribal hmeichhia Non Tribal pasal neite, an pasalte hnam vuan tura Dan (Supreme Court Ruling) awmsa hi Mizoramah khauh zawka kalpui nise, hnamdang Mizo hminga an hming thlak thinte hi ram leilungfate chanvo humhalh nan Sorkar-in khapna khauh takin siam rawh se.
3. School Academic Session tuna kan hman mek hi India State dangte tih dan milin April - March ah thlak ve ni rawh se.
4. Labour Law kan neih ang angte kenkawh kawngah Sorkar-in chak zawka hma la turin Central YMA-in ngen rawh se.
5. Mizoramah hmun remchang chuh a Bawk khawh a khawper din thin hi a awm tawh lohna turin hmalak ni rawh se.
KUMPUAN
1. Khawtlang Nun Siamthat
2. Ram leh Hnam Humhalh

Central YMA Executive Committee thukhawm

Chanmari West, September 11 : Ni 2.9.2011 khan  Central YMA  Committee Room-ah Central YMA Executive Committee an thukhawm. Meeting hi Pu Lal Chungnunga, President-in a kaihruai a, member 44 telin YMA Gen.Conference chungchang leh pawimawh dang rel a ni.
Meeting ah hian Pu Lalbiakzuala, General Secretary-in hmalakna report a pe a, Nk. Vanlalrema Chite Veng tuitla ruang zawngtute ei leh in tan ` 2000/-, Lalbiaknunga, Sairang, tuitla zawng boral ral nan `1000/- pek  anih thute, Chaltlang North (Lily Veng) a cheng Pi Laltanpuii Kudam atanga CADS ten damdawi thahnem tak an man thu leh Laltanpuii ten FIR an thehluh thute, Tuikual South Branch YMA President Legal Notice pek a nih thute, Central YMA OB, Tuikual South Branch OB leh Chaltlang North Branch OB te nen sawihona an neih thute a ni.
Thurelte :
YMA GENERAL CONFERENCE AGENDA THLITFIM :
YMA General Conference 2011 lo awm tura Aizawl khawpui chhung atanga Agenda lo lut CCC Meeting a chhawpchhuah turin hengte hi passed a ni.
YMA KHAWIH :
1. Mizoram khawpui hrang hrang thlanmual intawm (Common Cemetery) kan neih theih nan Central YMA-in hma la rawh se.
2. Mizorama Project/Industry ah leh leilung hausakna haichhuah kawngah ram lei lung faten a tam thei ang ber hamthatna an dawn theih nan Central YMA-in hma l rawh se.
3. Mizorama hnamdang dan lova sumdawngte dapchhuah hna hi tun aia chak zawka hmalak ni rawh se.
4. Mizoram (India) tizim zawnga Border Fencing kal lai mek hi Central YMA-in enpuiin uluk zawka hmalak dan ngaihtuah rawh se.
5. Electoral roll Revision hrang hrangah khua leh tui dik takte chauh thun an nih theih nan Central YMA-in hma la chhunzawm zel rawh se.
6. Mizo thuam thilte uar zawka hmang turin Central YMA-in hma la rawh se.
7. Kan rama tuihna humhalh leh a awmsa tihpun zel a nih theih nan Central YMA-in hma la rawh se.
SORKAR KHAWIH :
1. School Academic Session tuna kan hman mek hi India State dangte tih dan milin April - March ah thlak ve ni rawh se.
2. Labour Law kan neih ang angte kenkawh kawngah Sorkar-in chak zawka hma la turin Central YMA-in ngen rawh se.
3. Pawngsual chungchangah thil tisualtu hremna na zawk siam thar ni rawh se.
4. Mizoramah hmun remchang chuh a hnamdang ten Bawk an khawh a khawper an din thin hi a awm tawh lohna turin hmalak ni rawh se.
5. Mizo hmeichhia Non Tribal pasal neite, an pasalte hnam vuan tura Dan (Supreme Court Rulling) awmsa khauh zawka kalpui nise, hnamdang Mizo hminga an hming thlak thinte hi ram leilungfate chanvo humhalh nan Sorkar-in khapna khauh takin siam rawh se.
KUMPUAN RAWTNA :
1. Khawtlang Nun Siamthat
2. Ram leh Hnam Humhalh
3. Ruihhlo Do

Hriattirna

Branch YMA-in memberte puala Infiamna hrang hrang Ni 17-24.9.2011 a a buatsaih turah Items hrang hrangah lawmmna Cash Prize leh Trophy siam nise tih a ni a. He lawmman tum duh vengchhung mi leh veng pawn mi tupawh chhungte boral tawh hriatrengnan emaw, dawr leh advertisement ti duh te tan sum leh pai thawh theih a ni a, hrechiang duh leh ti duh chuan Organising Secretary Ph No.9436142304 ah emaw Br. Secretary hnenah emaw in hriattir theih reng a ni e.