Chhandamna Camping buatsaih dawn
Chanmari West, July 22 : Ni 10.7.2012 (Thawhlehni) khan Central YMA Committee room-ah CEC an meeting a, meeting hian kumin Kumpuan hmalakna atan Ruihhlo ngaite pualin Chhandamna Camping buatsaih a rel a, a hun leh hmun chu la rel fel leh tur a ni.
He meeting Pu T. Sangkunga President kaihhruaiah hian member 38 an kal a, YMA Day hman dan an thlir let a, branch hrang hrang ten YMA Day hlim tak leh hlut taka an hman theih avangin lawmthu an sawi a, Sawrkarin sawrkar chawlha a puan avangin tangkai taka hman a, pawl dangte pawhin he hunah hian programme dang lo siam lo se an duh a ni.
Kumpuan Ram leh Hnam humhalh bawhzui dan hrang hrang thlir a ni a, ruihhlo tih rem te, ruihhlo mamawh tihtlem te, ruihhlo ngaite puala Chhandamna camping buatsaih te, ILP nei lo leh ILP hmang dik lo leh ILP pek dan dik lo titawp tura hmalak a, Group leh Branch huamchhung theuhah hemi chungchang hi chak taka hmala tura ngen an ni.
PEMCOS dawr chu a kalphung dik lo nia hriat a nih vang a dawr lo tura Tuikual South Branch YMA ten an ven chu, thingpui in nan Rs 2000/- pek tur a tih a ni bawk. Forest Department atanga Mat ply an dawn hmangin kuang (puitling 64 leh naupang 20) an siam chu Civil Hospital leh Synod Hospital-a ruang thawn chhuah tur harsatna tawkte tan pek a, heng kuangte hi Durtlang YMA leh Dawrpui YMA ten an buaipui tura hlan an ni.
Sport sub-Committee-in hun remchangah Marathon(M&W) leh Volley Ball (M & W) tan buatsaih tura an rawt pawh pawm a ni bawk.
He meeting Pu T. Sangkunga President kaihhruaiah hian member 38 an kal a, YMA Day hman dan an thlir let a, branch hrang hrang ten YMA Day hlim tak leh hlut taka an hman theih avangin lawmthu an sawi a, Sawrkarin sawrkar chawlha a puan avangin tangkai taka hman a, pawl dangte pawhin he hunah hian programme dang lo siam lo se an duh a ni.
Kumpuan Ram leh Hnam humhalh bawhzui dan hrang hrang thlir a ni a, ruihhlo tih rem te, ruihhlo mamawh tihtlem te, ruihhlo ngaite puala Chhandamna camping buatsaih te, ILP nei lo leh ILP hmang dik lo leh ILP pek dan dik lo titawp tura hmalak a, Group leh Branch huamchhung theuhah hemi chungchang hi chak taka hmala tura ngen an ni.
PEMCOS dawr chu a kalphung dik lo nia hriat a nih vang a dawr lo tura Tuikual South Branch YMA ten an ven chu, thingpui in nan Rs 2000/- pek tur a tih a ni bawk. Forest Department atanga Mat ply an dawn hmangin kuang (puitling 64 leh naupang 20) an siam chu Civil Hospital leh Synod Hospital-a ruang thawn chhuah tur harsatna tawkte tan pek a, heng kuangte hi Durtlang YMA leh Dawrpui YMA ten an buaipui tura hlan an ni.
Sport sub-Committee-in hun remchangah Marathon(M&W) leh Volley Ball (M & W) tan buatsaih tura an rawt pawh pawm a ni bawk.
Kumin chhungin kan vengin mi 21 kan thlah liam ta.
Chanmari West, July 15 : Ni 13.7.2012 (Zirtawpni) thlengin kan veng chuan kan thlanmualah mi 21 kan vui liam tawh a, ruang chhuak mi 7 kan nei tawh bawk. Hetih lai hian Chawngbawla Section chuan mi 7 thlah liamin, Chatuan ram pan ngah ber an ni, mipa 17 leh hmeichhia 4 an boral tawh a ni. Thla 6 leh a chanve vel kan hman chhung a, mi 21 lai mai kan thlah liam hian thla tin mi 3 aia tam hret ang vel zel boral ang kan ni a, nula tlangval an hah khawp ang.
Kumin chhunga chatuan ram pan mi 21 kan neih zingah hian lumen ngai chu mi 9 an ni. Kan veng hian chhiat tawh chungchangah hian kan theih ang tawkah chuan kan ti tha thawkhat a, Tlangval thlan lai pawh an tha khat a, nula thingpui sem pawn an hna an tlin a, amaherawhchu hmasawn zel tur kan nih avangin tan kan lak thar zel angai a ni.
Kumtir lamah khan YMA chuan chhiatni fund hi a khawn turin a ruahmana, category A, B leh C-ah thenin chhungkaw tinah khawn a ni a, YMA record atanga a landanin chhungkaw 1238 kan awm a, heta tang hian chhiatni fund hmuh kan beisei zat chu Rs 270400 a ni a, kan hmuh zawng zawng chu Rs 2,70,525/- a ni a, kum hmasa lama sum awmsa Rs 29,608/- a ni bawk. Chhiatni fund hi chhiat thil hrang hrangah leh information mike siamthatna atan hman theih tura ruahman a ni a, hetiang hi kan hman tawh dan a ni - thihna thilah Rs 71,916/- , Information mike siamthat nan Rs 15,425/-, kuang leh kuang mamawh atan Rs 45,235/- leh lung lum tanpui nan Rs 3,500/- a ni.
Kan veng chhunga Non-Mizo (foreigner ni lo) awm hnen atangin chhiatni fund hi khawn a ni bawk a, Chawngbawla Sectionah 14, Vanapa Sectionah 14, Taitesena Sectionah 6, Neuva Sectionah 5 leh Khuangchera Sectionah 2 an awm a ni.
Kumin chhunga chatuan ram pan mi 21 kan neih zingah hian lumen ngai chu mi 9 an ni. Kan veng hian chhiat tawh chungchangah hian kan theih ang tawkah chuan kan ti tha thawkhat a, Tlangval thlan lai pawh an tha khat a, nula thingpui sem pawn an hna an tlin a, amaherawhchu hmasawn zel tur kan nih avangin tan kan lak thar zel angai a ni.
Kumtir lamah khan YMA chuan chhiatni fund hi a khawn turin a ruahmana, category A, B leh C-ah thenin chhungkaw tinah khawn a ni a, YMA record atanga a landanin chhungkaw 1238 kan awm a, heta tang hian chhiatni fund hmuh kan beisei zat chu Rs 270400 a ni a, kan hmuh zawng zawng chu Rs 2,70,525/- a ni a, kum hmasa lama sum awmsa Rs 29,608/- a ni bawk. Chhiatni fund hi chhiat thil hrang hrangah leh information mike siamthatna atan hman theih tura ruahman a ni a, hetiang hi kan hman tawh dan a ni - thihna thilah Rs 71,916/- , Information mike siamthat nan Rs 15,425/-, kuang leh kuang mamawh atan Rs 45,235/- leh lung lum tanpui nan Rs 3,500/- a ni.
Kan veng chhunga Non-Mizo (foreigner ni lo) awm hnen atangin chhiatni fund hi khawn a ni bawk a, Chawngbawla Sectionah 14, Vanapa Sectionah 14, Taitesena Sectionah 6, Neuva Sectionah 5 leh Khuangchera Sectionah 2 an awm a ni.
June thla thlenga Section hrang hrang Chhiatni fund luh tawh dan
Section chhungkua zat Hmuh beisei Hmuh zat
Chawngbawla 237 56000 57375
Vanapa 263 60300 57250
Khuangchera 241 54700 55400
Taitesena 316 62500 62600
Neuva 181 36900 37900
Chawngbawla 237 56000 57375
Vanapa 263 60300 57250
Khuangchera 241 54700 55400
Taitesena 316 62500 62600
Neuva 181 36900 37900
Lei khi-in kan veng min ti buai.
Chanmari West, July 8 : Ni 1.7.2012 (Pathianni) chhunah khan Chief Minister bangalow hnuai, Chanmari area chinah ruah sur nasa leh tuihawk kal dan dik loh vangin lei a khi a, Zarkawt huam chinah hian in sa an awm bawk si a, chuvang chuan helai hmuna lei khi hi tawlh mai thei dinhmunah a din phah a, kan veng tan a hlauhawm hle a ni. Pathianniah khan kan veng Local Council huaihawtin lei khi hnuaia awm chhungkaw nga chu an bungrua thiar chhuah sak nghal an ni.
Aizawl khawpui chhungah kan veng Local Council hian Disaster Management Committee a din hmasa ber a, anni hmalakna hian helai lei paih fai dan tur report chu Aizawl DC office-ah an thehlut a, Sawrkar thuchhuak hi kan nghak mek a ni, kan sawrkar pawh hian a min hun nghak lovin, a rang thei ang ber hian hma rawn la se tih chu veng mipui duh dan a ni.
Lei khi hi silpaulin 20 hmangin khuh a ni tawh a, a khi karah hian tui a lut a nih chuan kan veng lamah lei hi tawlh vak thei a nih avangin veng mipuite fimkhur a tha hle. Lei khi hi PWD hotute pawhin an rawn en tawh a, Geology & Mining mi thiamte pawh endik tir nghal a ni a, lei hi 8ft laia thukin a khi a, a huam a zau bawk avangin a min mai ang tih a hlauhawm hle reng a ni.
Aizawl khawpui chhungah kan veng Local Council hian Disaster Management Committee a din hmasa ber a, anni hmalakna hian helai lei paih fai dan tur report chu Aizawl DC office-ah an thehlut a, Sawrkar thuchhuak hi kan nghak mek a ni, kan sawrkar pawh hian a min hun nghak lovin, a rang thei ang ber hian hma rawn la se tih chu veng mipui duh dan a ni.
Lei khi hi silpaulin 20 hmangin khuh a ni tawh a, a khi karah hian tui a lut a nih chuan kan veng lamah lei hi tawlh vak thei a nih avangin veng mipuite fimkhur a tha hle. Lei khi hi PWD hotute pawhin an rawn en tawh a, Geology & Mining mi thiamte pawh endik tir nghal a ni a, lei hi 8ft laia thukin a khi a, a huam a zau bawk avangin a min mai ang tih a hlauhawm hle reng a ni.
________________________________________________________
MIZORAM PREMIER LEAGUE PLAY OFF KHEL TURIN CHANMARI WEST INBUATSAIH
Mizoram Football Association (MFA) buatsaiha Mizoram Football Club tha pariat tena khelh tur Mizoram Premier League khel tur zawnna play Off khel turin Chanmari West Sporting Club chu ngawrh takin an inbuatsaih chho meka, Play off hi July ni 13, Zirtawp dar 1:00 ah khelh tur a nia, Chanmari West Sporting Club ten match hmasaberah RS Annexe F/C Dinthar nen Lammualah an khel dawn a, Vengchhung mipui a tam thei ang ber tawiawm turin an in sawm a ni. Sum leh pai a tanpui thei tan chuan kan veng football club hi puih theih a tha hle a, kan veng aiawh a ni si a.
Chhiat rup theihna lakah fimkhur ang u.
Chanmari West, July 1 : Furpui kan lo thleng leh ta a, lei a hmin tawh avangin ruah baw hawk a rawn tlak leh hi chuan leimin leh lung lum theihna a awm kan nih avangin kan veng dinhmun han thlir hian kan fimkhur a ngai hle a ni. Kham pang a awm kan tam a, leimin theihna dinhmunah kan ding nasa a, chuvang chuan leimin theihna hmun hlauhawma awm tan chuan kan chhak lam eng nge a dinhmun tih hriat kan tum a tha hle mai.
Sawrkhar emaw tute emaw tih turah dah lova, kan awmna chhak lam leimin thei a ni em tih te, lung rawn lum mai thei a awm em tih kan han chiante pawh a finthlak viau mai thei a, lei a rawn min emaw lung a rawn lum emaw tawh hnuah hi chuan inven a har tawh thin a ni.
Tin, chutiang bawkin kan thlang lam dinhmun pawh kan zir chian a, kan tuichhe paih avang emaw tui kal dan tur kan ruahman that loh vang pawhin kan kawmthlang a min thei a, kan chenna a min chhe vek thei a, keimahni ngei hian kan chenna hi dinhmun chhiaah kan indah thei a, chutianga kan awm loh nan kan inven that angai a ni. Kuminah pawh hian lung lum vangin harsatna tum hnih kan tawk tawh a, heng laka kan him theihna tur chuan kawmchhak lam kan lo enchian a, a theih phei chuan kan lo then fai a, harsa tham khawp a nih phei chuan sawrkar pawh kan pun mai a tha ang. Chutiang chiah chuan chhiatna dang lirnghing te, in kang te pawh a lo thlen tawh hi chuan, a thawi dam dan ngaihtuah leh tho a ngaih thin avangin, inven dan hi kan theih ang angin kan lo inzir a ngai a ni. Mihringte hian chhiatna hi kan thunun theih phak bak a nih avangin, kan duh vang ni hauh lo hian a lo thleng palh thei a, tha taka lo inzir lawk hi himna tura pawimawh tak chu a ni awm e.
Sawrkhar emaw tute emaw tih turah dah lova, kan awmna chhak lam leimin thei a ni em tih te, lung rawn lum mai thei a awm em tih kan han chiante pawh a finthlak viau mai thei a, lei a rawn min emaw lung a rawn lum emaw tawh hnuah hi chuan inven a har tawh thin a ni.
Tin, chutiang bawkin kan thlang lam dinhmun pawh kan zir chian a, kan tuichhe paih avang emaw tui kal dan tur kan ruahman that loh vang pawhin kan kawmthlang a min thei a, kan chenna a min chhe vek thei a, keimahni ngei hian kan chenna hi dinhmun chhiaah kan indah thei a, chutianga kan awm loh nan kan inven that angai a ni. Kuminah pawh hian lung lum vangin harsatna tum hnih kan tawk tawh a, heng laka kan him theihna tur chuan kawmchhak lam kan lo enchian a, a theih phei chuan kan lo then fai a, harsa tham khawp a nih phei chuan sawrkar pawh kan pun mai a tha ang. Chutiang chiah chuan chhiatna dang lirnghing te, in kang te pawh a lo thlen tawh hi chuan, a thawi dam dan ngaihtuah leh tho a ngaih thin avangin, inven dan hi kan theih ang angin kan lo inzir a ngai a ni. Mihringte hian chhiatna hi kan thunun theih phak bak a nih avangin, kan duh vang ni hauh lo hian a lo thleng palh thei a, tha taka lo inzir lawk hi himna tura pawimawh tak chu a ni awm e.
Subscribe to:
Posts (Atom)
